وکلاء کی طرف سے مجھے ہمیشہ ٹھنڈی ہوا ہی آئی ہے۔عاقل حسن چوہان
بورے والا(چوہدری اصغر علی جاوید سے)ڈسٹرکٹ اینڈ سیشن جج وہاڑی عاقل حسن چوہان نے کہا ہے کہ وکلاء کی طرف سے مجھے ہمیشہ ٹھنڈی ہوا ہی آئی ہے صاحب عزت لوگ ہی دوسروں کو عزت دیتے ہیں،بار اور بنچ کی عزت و وقار عوام کی نظر میں ایک ہے بار اور بنچ کی گاڑی میں مرکزی کردار وکلاء کا ہے اور وکلاء پر بھی بھاری ذمہ داری عائد ہوتی ہے کہ اپنی ذمہ داریوں کا ادراک کریں ہمیں اپنی غلطیوں کو دوسروں پر ڈالنے کی بجائے اپنی اصلاح کرنی چاہیئے اپنی مشترکہ عزت اور اسکے وقار میں اضافہ کیلئے بار اور بنچ کو اپنی ذمہ داریاں پوری کرنی چاہیئں مظلوم انصاف کے حصول کیلئے وکلاء اور بنچ کا مرہون منت ہوتا ہے اس لیے دونوں کو انصاف کی فراہمی میں پوری دیانتداری سے اپنی پیشہ وارانہ ذمہ داریاں پوری کرنی چاہیئں،ان خیالات کا اظہار انہوں نے بار روم میں “بورے والا بار” کی طرف سے انکی دوبارہ تعیناتی پر دیئے گئے استقبالیہ کی تقریب سے خطاب کرتے ہوئے کیا تقریب کی صدارت صدر بار چوہدری محمد صدیق نے کی جبکہ سٹیج سیکرٹری کے فرائض سیکرٹری بار محمد مشاہد نے ادا کئے تقریب سے خطاب میں صدر بار چوہدری محمد صدیق نے کہا کہ چیف جسٹس لاہور ہائی کورٹ کی ہدایت پر بورے والا بار رومز،دفاتر،لائبریری اور کنٹین کو 92 لاکھ روپے کی لاگت سے سولر سسٹم فراہم کیا جا رہا ہے اس سال مجموعی طور پر بار روم سمیت وکلاء کو مختلف بنیادی سہولیات کی فراہمی کیلئے ایک کروڑ 27 لاکھ کے منصوبے مکمل کئے جا رہے ہیں تقریب سےایڈیشنل سیشن جج یونس عزیز،صدر ڈسٹرکٹ بار بابر منظور دوگل،سیکرٹری میلسی بار چوہدری ممتاز حسین،سابق صوبائی وزیر چوہدری محمود اختر گھمن،سیکرٹری بار چوہدری مشاہد اور محمد جاوید شاہین نے بھی خطاب کیا جبکہ اس موقع پر مقامی ایم پی اے ممبر بار سردار خالد محمود ڈوگر،ایڈیشنل سیشن ججز،سینئر سول جج،سول ججز اور بار کے ارکان کی کثیر تعداد نے شرکت کی دریں اثناء سیشن جج وہاڑی نے مختلف منصوبوں کا افتتاح بھی کیا۔
About Author
