شہباز شریف نے چین کی صف اول کی کمپنیوں کو دورہ پاکستان کی دعوت دے دی

‏بیجنگ(نیوز ڈیسک)وزیر اعظم شہباز شریف نے کہا ہے کہ چین کی صف اول کی کمپنیوں کو دورہ پاکستان کی دعوت دے دی،10 ہزار میگا واٹ شمسی توانائی کے منصوبے پر مل کر کام کرنے کی پیشکش کی گئی،گوادر ہوائی اڈے پر کام کی رفتار تیز کرنے اور رواں سال کے آخر تک مکمل کرنے پر اصرار کیا گیا،چینی کمپنی نے اگلے سال کی ابتدا میں گوادر ہوائی اڈے کی تعمیر کی تکمیل کی یقینی دہانی کرا دی ہے،ماضی میں بہت مسائل آئے ہیں جس پر ہم معذرت خواہ ہیں 11 اپریل 2022 کو اقتدار سنبھالنے کے بعد کمپنیوں کو درپیش مسائل حل کئے ہیں چینی کمپنیوں کو واجب الادا 160 ارب روپے کی ادائیگی کر چکے ہیں 50 ارب روپے گزشتہ روز ادا کر دئیے گئے ہیں 50 ارب روپے سے ریوالنگ فنڈ بنا دیا گیا ہے،وزیر خزانہ اسحاق ڈار کی ہدایت پر سٹیٹ بینک نے ریوالونگ اکاﺅنٹ بنا دیا ہے ادائیگیوں کے ساتھ ہی مزید 50 ارب اس میں شامل ہو جائیں گے چینی درآمدی کوئلے کی ادائیگیوں میں ماضی میں مسائل آئے جس پر ہمیں افسوس ہے دیامیر بھاشا منصوبے میں اراضی کے حصول کے مسائل کو حل کریں گے جس پر کوئی مسئلہ نہیں آنے دیں گے،چینی بھائیوں اور بہنوں کے جاں بحق ہونے کے واقعات پر بے حد دکھ اور افسوس ہے مجرموں کو گرفتار کر لیا گیا ہے اور انہیں مثالی سزا ملے گی،پاکستان میں بہترین سکیورٹی کے اقدامات کئے جا رہے ہیں سی پیک اور سی پیک سے الگ تمام منصوبوں پر کام کرنے والے چینی باشندوں کی حفاظت یقینی بنائیں گے سی پیک اور سی پیک سے الگ تمام منصوبوں پر کام کرنے والے چینی باشندوں کی سکیورٹی کا معیارایک ہو گا چینی بھائیوں بہنوں کی سلامتی اپنے بھائیوں بہنوں کی طرح ہمیں عزیز ہے مہمند ڈیم سے متعلق بعض مسائل کیوں آئے ؟ معلوم کر کے حل کرائیں گے 2 کروڑ لوگوں کے شہر کراچی میں فراہمی آب کا بہت بڑا مسئلہ ہے سندھ حکومت کے ہمراہ آپ کے ساتھ ملکر کام کرنے کو تیار ہوں،شمسی توانائی سے 10 ہزار میگاواٹ پیدا کرنے کا جامع پلان بنایا ہے ہوا سے بجلی پیدا کرنے کے منصوبوں میں بھی آپ کو سرمایہ کاری کی دعوت دیتا ہوں ایندھن کی لاگت کم کر کے تیل و گیس پر اٹھنے والے بھاری غیر ملکی زرمبادلہ کی بچت ہو گی آپ کے ساتھ ملکر کام کریں گے تا کہ دونوں ممالک کے تعلقات فروغ پائیں آپ کے پاکستان میں دلچسپی لینے پر شکریہ،چھ ماہ میں تین بار گودار بندرگاہ کا دورہ کر چکا ہوں ایم ایل وَن اور دیگر منصوبوں میں دلچسپی لینے پر شکریہ ادا کرتا ہوں اور وزیر اعظم شہباز شریف نے پاکستان میں سیلاب متاثرین کی فراخ دلانہ مدد پر چین کا شکریہ ادا کیا۔