ہڑپہ شہر میں ڈالے جانے والے سیوریج میں ناقص میٹریل کا انکشاف،نوٹس کا مطالبہ

ہڑپہ(منیر ساجد آرائیں سے)شہر میں ڈالے جانے والے سیوریج میں ناقص میٹریل اور بے ضابطگی کا انکشاف لوگ سراپا احتجاج،سیوریج کے کام میں سیاسی انتقام یا سیاسی منشیوں کی اجارہ داری پمپ والی گلی میں ڈلنے والے سیوریج میں کچھ گھر نظر انداز اہل محلہ کا سیاسی لیڈروں اور محکمہ پبلک ہیلتھ ڈیپارٹمنٹ ساہیوال سے اصلاح و احوال کا مطالبہ،تفصیلات کے مطابق ہڑپہ شہر میں مختلف جگہوں پر کروڑوں کی گرانٹ سے سیوریج کا کام ہو رہا ہے یہ کام پبلک ہیلتھ ڈیپارٹمنٹ ساہیوال کی زیر نگرانی کے ساتھ ساتھ مختلف سیاسی جماعتوں کے مقامی کارکن بھی سرگرم عمل ہیں لیکن اس کے باوجود ہڑپہ شہر میں ڈلنے والے اس سیوریج کے کام میں ناقص میٹریل اینٹیں سیمنٹ پائپوں کے جوڑوں پر پلاسٹک رنگ چڑھائے بغیر جوڑوں کا لگانا جوڑوں پر سنی لپیٹے بغیر کے ساتھ ساتھ بنائے گئے سیوریج ہولز پرسیمنٹ برائے نام سیوریج کا نظام انتہائی ناقص میٹریل سے بنانے کا کام جاری و ساری ہے گلی میں اسٹیمیٹ کے مطابق پائپ لائن نہ بچھانے اور ناقص میٹریل پر مقامی آبادی سراپا احتجاج ہو گئی انہوں نے مطالبہ کیا ہے کہ ہماری گلی کا مکمل سیوریج آیا ہے لیکن کچھ لوگ ٹھیکیدار اور اور پبلک ہیلتھ ڈیپارٹمنٹ ساہیوال کے نگران افسران سے ساز باز ہو کر ناقص میٹریل کا استعمال اور پائپ لائنوں کی پیمائش میں کمی کرکے بھاری رقم ہڑپ کرنا چاہتے ہیں اس لئے ہماری ڈپٹی کمشنر ساہیوال اور ایکسین پبلک ہیلتھ ڈیپارٹمنٹ ساہیوال سے مطالبہ ہے کہ اس ہونے والے کام میں بدعنوانیوں اور کرپشن کی تحقیقات کیلئے خصوصی انکوائری کمیٹی بنا کر قومی خزانے کو نقصان پہنچانے والے کرداروں کا تعین کرتے ہوئے ان کے خلاف محکمانہ کارروائی کی جائے۔