شیرون مسیح کو ان کے کلاس فیلو نے محض پانی پینے پر مشتعل ہو کر تشدد کا نشانہ بنایا ۔ کامران مائیکل
بورے والا(چوہدری اصغر علی جاوید سے)وفاقی وزیر انسانی حقوق کامران مائیکل نے کہا ہے کہ جو لوگ یسوع مسیح کے نام پر اپنی جان قربان کرتے ہیں وہ شہادت کا مرتبہ حاصل کرتے ہیں شیرون مسیح کو ان کے کلاس فیلو نے محض پانی پینے پر مشتعل ہو کر تشدد کا نشانہ بنایا جو اس کی موت کا باعث بنا پاکستان بالخصوص بورے والا میں یہ واقعہ مذہبی منافرت کا شاخسانہ نہیں ہے محض اتفاقیہ حادثہ ہے پھر بھی ضلعی پولیس اس کیس کا تمام پہلوﺅں سے جائزہ لے رہی ہے کرسچین برادری اور مقتول کے ورثاءپولیس تفتیش سے مطمئن ہیں انہوں نے اس علاقے میں شیرون مسیح کے نام سے انٹر نیشنل لیول کے ایک سکول کا قیام کا بھی اعلان کیا اور کہا کہ یہاں مسلم عیسائی اور دیگر مذاہب کے طلباءاعلیٰ اور معیاری تعلیم حاصل کر سکیں گے اور کسی کے ساتھ متعصبانہ سلوک نہیں کیا جائے گا انہوں نے مقتول شیرون مسیح کے والد الیاسب مسیح کو ذاتی طور پر ایک لاکھ روپے کی نقد امداد بھی دی اور یقین دلایا کہ حکومت بھی اس سلسلہ میں مالی امداد مہیا کرے گی ڈی پی او وہاڑی عمر سعید ملک نے خطاب کرتے ہوئے کہا کہ معاشرے کا کوئی فرد یا انفرادی تعصب کر سکتا ہے مگر ریاست یا ادارے رنگ و نسل سے بالاتر ہو کر ہر شہری کو آرٹیکل 25کے تحت حقوق مہیا کرتی ہے ہمارا فریضہ ہے کہ ہم مقتول کے والدکی رپورٹ پران کے تحفظات کو دور کریں گے کسی کو بھی مذہب کے نام پر قانون سے کھیلنے کی اجازت نہیں دیں گے اور انصاف کے تقاضے پورا کرنے کیلئے تمام وسائل بروئے کار لائیں گے انہوں نے ورثاءکو یقین دہانی کروائی کہ وہ اس مقدمہ کی تفتیش کے سلسلہ میں جب چاہیں مجھے مل کر اپنے خدشات سے آگاہ کر سکتے ہیں۔
About Author
