شہرون قتل کیس کو مذہبی رنگ دے کر مسلم اور عیسائی برادری کے مابین نفرت پیدا کرنے کی کوشش کی جا رہی ہے ۔ سہیل صابر چوہدری
بورے والا(چوہدری اصغر علی جاوید سے)چیف پولیس کوآرڈینٹر ضلع وہاڑی و ممبر سکول کونسل ایم سی ہائی سکول سہیل صابر چوہدری،(ر)ہیڈ ماسٹر چوہدری بشیر احمد،صدر ایس ای ایس ٹیچرز ایسوسی ایشن چوہدری سعید احمد اور ایم سی ماڈل ہائی سکول کے اساتذہ نے سکول میں نہم کے کلاس کے طالبعلم شہرون مسیح کی ساتھی طالبعلم احمد رضا کے ہاتھوں کھیل میں جھگڑے کے دوران ہونے والی ہلاکت پر ردعمل کا اظہار کرتے ہوئے کہا ہے کہ بلاشبہ شہرون مسیح کا واقعہ انتہائی افسوس ناک ہے اور ہم اُسکے والدین کے غم میں برابر کے شریک ہیں یہ واقعہ ایک حادثہ تھا جس میں کوئی مذہبی عنصر شامل نہیں تھا لیکن سوشل میڈیا پر بعض عناصر کی طرف سے اس واقعہ کو مذہبی رنگ دے کر مسلم اور عیسائی برادری کے مابین نفرت پیدا کرنے کی کوشش کی جا رہی ہے پانی پینے سے روکنے پر ہرگز کوئی جھگڑا نہیں ہو اکیونکہ شہرون کے علاوہ بھی ہمارے سکول میں20سے زائد طلباء مختلف کلاسوں میں زیر تعلیم ہیں اور تمام بچے ایک دوسرے کے ساتھ مذہبی تعصب کے بغیر بھائیوں کی طرح تعلیم حاصل کر رہے ہیں اور تمام طلباء کلاسوں میں ایک ہی گلاس کے ساتھ پانی پیتے ہیں طلباء کسی دوسرے مذہب کے ساتھ بلارنگ و نسل اور باہمی بھائی چارے کے ساتھ اکٹھے تعلیم حاصل کرتے ہیں کیونکہ اسلام ہمیں امن اور بھائی چارے کا درس دیتا ہے اور ہمارا مذہب اقلیتوں کے حقوق کے تحفط کو کبھی پامال نہیں ہونے دے سکتا،ان خیالات کا اظہار انہوں نے ایم سی ماڈل ہائی سکول میں میڈیا سے گفتگو کرتے ہوئے کیا انہوں نے کہا کہ ہم اقلیتی برادری سے ملکر اس واقعہ کو مذہبی رنگ دینے کی ہر کوشش کو ناکام بنائیں گے اور شرپسند عناصر کا آلہٰ کار نہیں بنیں گے میڈیا کو بتایا کہ شہرون مسیح کا واقعہ ایک المناک حادثہ ہے جس میں تمام مسلم برادری ہمارے دُکھ میں شریک ہے اور میں نے آج تک اس تعلیمی ادارے میں کرسچیئن طلباءسے مذہبی تعصب اور نفرت کا کوئی ایسا واقعہ نہیں دیکھا اس لیے اس واقعہ کو مذہبی تعصب کا رنگ دینے کی کوشش نہ کی جائے سکول میں زیر تعلیم مختلف کلاسوں کے طلباءنے میڈیا کو بتایا کہ ہم جب سے اس سکول میں زیر تعلیم ہیں ہمیں کبھی اس بات کا احساس تک نہیں ہوا کہ کسی دوسرے مذہب سے تعلق رکھنے والے طلباءکے ساتھ تعلیم حاصل کر رہے ہیں سکول میں ہر کلاس روم کے اندر پینے کے پانی کے لیے علیحدہ واٹر کولر موجود ہے جہاں تمام طلباءاکٹھے ایک ہی گلاس میں پانی پیتے ہیں اور کبھی ہم سے مسلم طلباءنے نفرت کا اظہار نہیں کیا اس موقع پر(ر)ٹیچر شیخ محمد اسلم،محمد سلیم طاہر،ملک افتخار احمد،عبدالرزاق بھٹی،جاوید اقبال اور دیگر اساتذہ بھی موجود تھے۔
About Author
