انتظامیہ سے ملکر عوامی مسائل کے حل اور انہیں بنیادی سہولتیں فراہم کرنے میں اپنا مثبت کردار ادا کریں گے۔خالد چوہان،خالد نثار

بورے والا(نمائندہ خصوصی)ڈی سی وہاڑی نے پی ٹی آئی کے سابق ٹکٹ ہولڈر خالد نثار ڈوگر اور اسسٹنٹ کمشنر بورے والا کے مابین ترقیاتی فنڈز کے اجراء سے متعلق اختلافات ختم کروا دیئے اور ترقیاتی کاموں کی شروع کروانے کی یقین دہانی کروا دی،تفصیلات کے مطابق پی ٹی آئی کے راہنماء و سابق ٹکٹ ہولڈر سردار خالد نثار ڈوگر اور اسسٹنٹ کمشنر بورے والا کے مابین گزشتہ دنوں ترقیاتی فنڈز کے اجراء اور منصوبوں پر کام کے آغاز میں تاخیر کی وجہ سے پیدا ہونے والے اختلافات پر ڈی سی وہاڑی نے مداخلت کرتے ہوئے ان کو دور کروا کے ترقیاتی کام جلد شروع کروانے کی یقین دہانی کروا دی اس امر کا انکشاف سردار خالد نثار ڈوگر کے دفتر میں پی ٹی آئی کے سابق ٹکٹ ہولڈرز نے منعقدہ ایک پرہجوم پریس کانفرنس کے دوران کیا گیا پریس کانفرنس سے خطاب کرتے ہوئے سردار خالد نثار ڈوگر،سابق ایم پی اے و سابق امیدوار قومی اسمبلی چوہدری خالد محمود چوہان،سابق امیدوار صوبائی اسمبلی حلقہ گگومنڈی پیر ہمایوں افتخار چشتی اور دیگر راہنماؤں نے کہا کہ ترقیاتی فنڈز عوام کی امانت ہیں اور ہم عوام کے نمائندے ہونے کی حیثیت سے ان فنڈز کو عوام کی بنیادی سہولتوں کے منصوبوں کیلئے استعمال کروانے کی ہرممکن جدوجہد کرتے رہیں گے انتظامیہ کے ساتھ ہماری کوئی ذاتی لڑائی یا اختلاف نہیں انتظامیہ سے ملکر عوامی مسائل کے حل اور انہیں بنیادی سہولتیں فراہم کرنے میں اپنا مثبت کردار ادا کریں گے انہوں نے کہا کہ گزستہ انتخابات میں پارٹی کی مخالفت کر کے چھ نشستوں کا نقصان کرنے والے پیرا شوٹر،جھوٹے شخص کو پارٹی قیادت اور عوام کے سامنے ننگا کریں گے اور پارٹی کو چاہیئے کہ ایسے نااہل شخص کو پارٹی کارکنان پر مسلط کرنے کی بجائے اسکی حوصلہ شکنی کرے اگر اسے ہمارا سامنا کرنے کا بہت زیادہ شوق ہے تو وہ اپنا شوق پورا کر کے دیکھ لے اب ہم اسکا راستہ روکیں گے اور عوام کو جھوٹے دعوؤں کے ذریعے بے وقوف نہیں بننے دیں گے چوہدری خالد محمود چوہان نے کہا کہ ہمارے ڈیرہ پر سیاسی جنم لینے والا عقل سے عاری شخص اب ہمیں ہی آنکھیں دکھا رہا ہے لیکن ہم نے عوام کی سیاست کی ہے اور عوام کی طاقت سے ایسے ابن الوقت شخص کو بورے والا کی سیاست سے بھگا کر دم لیں گے اگر اس نے اپنی زبان کو لگام نہ ڈالی تو ہم اسکی زبان بند کرنا بھی جانتے ہیں غیر شائستہ اور غیر مہذب گفتگو کرنے والا شخص عوام کی نمائندگی کا حق ہرگز نہیں رکھتا تقریب سے پی ٹی آئی راہنماء سردار تیمور سکندر ڈوگر،پیر ظفر چشتی اور حافظ پروفیسر محمد امجد نے بھی خطاب کیا جبکہ پریس کانفرنس میں مارکیٹ کمیٹی فروٹ اینڈ سبزی منڈی کے وائس چیئرمین علی سفیان سلدیرا،سابق صدر بار ملک فرقان یوسف کھوکھر،سابق جنرل سیکرٹری بار کاشف مقبول جٹھول،کونسلرز بلدیہ سردار راشد عظیم،شہباز حسین باجا بھٹی،شکیل حشمت،ملک صابر اعوان،کامران شاہد اور دیگر راہنماوں نے بھی شرکت کی۔