مسلمانوں کے قبلہ اول پر قبضہ کی ناپاک کوشش پوری مسلم امہ کیلئے خطرے کی گھنٹی ہے۔مہران علی

بورے والا(چوہدری اصغر علی جاوید سے)اسرائیلی ظلم و ستم اور نہتے بے گناہ فلسطینی مسلمانوں پر بمباری کے ذریعے کی جانے والی دہشت گردی کے خلاف پاکستان کسان اتحاد کے جنرل سیکرٹری چوہدری مہران علی اور دیگر راہنماﺅں کی قیادت میں انکے دفتر واقع گلشن رحمان سے ریلی نکالی گئی جو ملتان روڈ،وہاڑی بازار اور گول چوک سے ہوتی ہوئی پریس کلب کالج روڈ آ کر اختتام پذیر ہوئی ریلی سے خطاب میں کسان اتحاد کے جنرل سیکرٹری چوہدری مہران علی،تحصیل صدر ندیم سجاد جٹ،نائب صدر ریاض خان جملیرا،چوہدری رشید چئیرمین،ملک امتیاز لنگڑیال،چوہدری محبوب اختر منہاس،شاہد خاں چلوچ،ولید سنگھیرا،مہر سلمان سیال،شمشاد علی آف مرضی پورہ اور دیگر کسان راہنماوں نے خطاب کرتے ہوئے کہا کہ اسرائیلی مظالم اور جبر و بربریت پوری عالم اسلام پر حملہ ہے مسلمانوں کے قبلہ اول پر قبضہ کی ناپاک کوشش اور اسرائیلی درندوں کی جانب سے مسلمانوں کا قتل عام پوری مسلم امہ کیلئے خطرے کی گھنٹی ہے اگر آج اسلامی ممالک نے یکجا ہو کر اسرائیل کی ان غاصبانہ کاروائیوں کو نہ روکا تو تاریخ ہمیں کبھی معاف نہیں کرے گی فلسطین کے سینکڑوں شہداءکا خون پوری مسلم امہ پر قرض ہے اب وقت آ گیا ہے کہ اسرائیل کی عالمی دہشت گردی کا منہ توڑ جواب دیا جائے۔