(ن)لیگ کا سیاسی جنازہ تیار ہو چکا ہے اب ہم سب نے ملکر کرپشن میں لپٹی (ن)لیگی میت کو قبر میں اُتارنا ہے ۔ خالد چوہان

بورے والا(چوہدری اصغر علی جاوید سے)ضلعی صدر پی ٹی آئی و سابق ایم پی اے چوہدری خالد محمود چوہان نے کہا ہے کہ پی ٹی آئی کی اصل منزل نئے پاکستان کا حصول ہے ہمیں ٹکٹوں کے حصول کی بجائے عمران خان کے ویڑن کو کامیابی سے ہمکنار کرنے کے لیے نئے پاکستان کی جدوجہد کرنی ہے،(ن)لیگ کا سیاسی جنازہ تیار ہو چکا ہے اب ہم سب نے ملکر کرپشن میں لپٹی (ن) لیگی میت کو قبر میں اُتارنا ہے آنے والا وقت پی ٹی آئی کا ہے عمران خان نے ملک سے کرپشن کے خاتمہ کی جس جدوجہد کا آغاز کیا تھا اُس نے ملک لوٹنے والوں کو بے نقاب کر دیا ہے پی ٹی آئی کی مقبولیت کو دیکھتے ہوئے اب دیگر پارٹیوں کے لوگ پی ٹی آئی میں شامل ہو رہے ہیں بہت جلد بورے والا سمیت ضلع بھر کی اہم سیاسی شخصیات پی ٹی آئی میں شمولیت کا اعلان کرینگی پارٹی عہدیداران کو چاہئے کہ وہ اپنی ذمہ داریوں کو پورا کرتے ہوئے وارڈ اور یوسی کی سطح پر پارٹی کو مذید منظم کریں اور عمران خان کا پیغام گھر گھر پہنچائیں الیکشن بہت قریب ہیں اس لیے ہمیں الیکشن کی تیاری کرنا ہو گی آئندہ الیکشن میں ضلع بھر کی نشستوں پر پی ٹی آئی کی کامیابی یقینی بنانی ہے،ان خیالات کا اظہار انہوں نے پارٹی کے ضلعی عہدیداران کے اجلاس سے خطاب کرتے ہوئے کیا اجلاس میں ضلعی جنرل سیکرٹری رانا شعیب اصغر ایڈووکیٹ،تحصیل صدر چوہدری طارق محمود باجوہ،نائب صدور رانا محمد مظفر خاں،صائمہ نورین،ضلعی جوائنٹ سیکرٹری(لا)مظفر حسین بلوچ ایڈووکیٹ،سیکرٹری اطلاعات ساجد حسین،جوائنٹ سیکرٹریز محمد امجد گورایہ،تنویر اکرم گھمن،سیکرٹری سپورٹس محمد کامران جمبہ،ضلعی صدر خواتین ونگ منور سلطانہ،ضلعی صدر علماء ونگ قاری مختار احمد،سیکرٹری اقلیتی ونگ ڈاکٹر مقصود اٹھوال،حافظ راشد ستار اور دیگر عہدیداران بھی موجود تھے۔