شریف فیملی پر جب بھی مصیبت بنتی ہے وہ آصف علی زرداری کو اپنا سیاسی آقا مان لیتے ہیں۔شگفتہ چوہدری

بورے والا(چوہدری اصغر علی جاوید سے)پیپلز پارٹی جنوبی پنجاب کی فنانس سیکرٹری شگفتہ چوہدری نے کہا ہے کہ آصف علی زرداری ایک مردِ آہن ہیں جنہوں نے محترمہ بے نظیر بھٹو(شہید)کے فلسفہ کو تقویت دیکر پیپلز پارٹی کو ملک کی سب سے بڑی سیاسی جماعت ثابت کیا ہے موجودہ آمریت زدہ کرپٹ حکمرانوں کے ہر آمرانہ وار کا مردانہ وار مقابلہ کیا جبکہ شریف فیملی پر جب بھی مصیبت بنتی ہے وہ آصف علی زرداری کو اپنا سیاسی آقا مان لیتے ہیں لیکن آصف علی زرداری نے جمہوریت کو ڈی ایل ہونے سے بچانے کے لیے جس سیاسی بصیرت اور دانشمندی کا مظاہرہ کیا ہے وہ اُنکی کامیاب حکمت عملی کا ثبوت ہے اب حکمرانوں نے اپنی ڈوبتی کشتی کو دیکھ کر پیپلز پارٹی کے قائدین پر بھی گند اچھا لنا شروع کر دیا ہے شریف فیملی کی شرافت کا جنازہ جے آئی ٹی رپورٹ نے ہی نکال دیاہے اور اب آئندہ الیکشن میں عوام ملک لوٹنے والوں کی بجائے آصف زرداری کی قیادت میں ملک بچانے والوں کی صف میں کھڑے ہونگے آصف زرداری کی سیاسی دانشمندی اور حکمت عملی سے پیپلز پارٹی آئندہ الیکشن میں کامیابی حاصل کرے گی،ان خیالات کا اظہار انہوں نے اپنے دفتر میں سابق صدر آصف علی زرداری کی سالگرہ کا کیک کاٹنے کی تقریب سے خطاب کرتے ہوئے کیا اس موقع پر پیپلز پارٹی کے سنیئر راہنما طاہر سلیم چوہدری،سابق ضلعی صدر پی ایل بی محمد صدیق بھلر،چوہدر عبدالستار اور دیگر راہنما و کارکنان بھی موجود تھے۔