جدید طرز تعلیم کے فروغ میں پرائیویٹ اداروں کا اہم کردار ہے ۔ پروفیسر عدیل ممتاز
بورے والا(چوہدری اصغر علی جاوید سے)ایگزیکٹو ڈائریکٹر اسپائر کالجز پروفیسر عدیل ممتاز نے کہا ہے کہ جدید طرز تعلیم کے فروغ میں پرائیویٹ اداروں کا اہم کردار ہے،نجی تعلیمی اداروں نے تعلیم کے میدان میں مقابلے کے فزاءپیدا کر کے بین الاقوامی معیار کی تعلیم کو متعارف کروانے میں بھی مثالی کردار ادا کیا ہے،سرکاری تعلیمی اداروںمیں حکومت کی جانب سے دی جانے والی سہولتوں کے مقابلہ میں نجی اداروں نے بھی ہر ممکن سہولیات فراہم کرنے کی کوشش کی ہے اور معیاری تعلیمی اداروں کے طلباءو طالبات آج ہر میدان میں کامیابیاں سمیٹ رہے ہیں،دنیا میں آج تک جن قوموں نے بھی ترقی کی ہے انہوں نے تعلیم کی وجہ سے ہی کی ہے ہمیں اپنی نئی نسل کو جدید دور کے تقاضوں کے مطابق تعلیم کے زیور سے آراستہ کرنے پر پوری توجہ دینی چاہئے کیونکہ ہمارا اصل اثاثہ ہمارے بچے ہیں او ر ان بچوں کی تعلیم کے لئے معیاری تعلمی اداروں کا انتخاب کرنا چاہئے اسپائر کالج نے قلیل عرصہ میں اعلیٰ معیار کے تعلیمی اداروں کا مقابلہ کرتے ہوئے تعلیمی میدان میں انقلاب برپا کیا ہے ان خیالات کا اظہار انہوں نے اسپائر کالج 445ای بی امجد ٹاﺅن کیمپس بورے والا کی افتتاحی تقریب سے خطاب کرتے ہوئے کیا تقریب میں ڈپٹی ڈائریکٹر آپریشنز کالجز جی ایم بخاری،سابق ڈپٹی ڈائریکٹر کالجز رانا محمد صفدر،ڈائریکٹر آپریشنز اسپائر کالجز پروفیسرشکیل احمد،ڈائریکٹر بورے والا کیمپس چوہدری محمد آصف ابراہیم،ڈاکٹر محمد ارشد،پرنسپل بورے والا کیمپس سید حماد گیلانی،پرنسپل وہاڑی کیمپس پروفیسر قمر عدیل،میاں محمد اشرف ایڈووکیٹ،پروفیسر،اساتذہ،وکلائ،ڈاکٹرز اور نمائندہ شخصیات کی کثیر تعداد بھی موجود تھی اس تقریب میں مختلف تعلیمی اداروں کے قابل ماہرین تعلیم میں اسپائر کالج کی طرف سے انکے کارہائے نمایاں پر خصوصی شیلڈ تقسیم کی گئیں۔
About Author
