سول سوسائٹی کے پیٹرن انچیف شیخ شہزاد مبین کی جانب سے ریسکیو کو جدید ایمبولینس فراہم کرنا قابل ستائش ہیں۔عمر فاروق
بورے والا(چوہدری اصغر علی جاوید سے)اسسٹنٹ کمشنر محمد عمر فاروق نے کہا ہے کہ سرکاری اداروں سے ملکر انسانیت کی خدمت کرنے والے ادارے قابل تحسین ہیں،انسانیت کی خدمت وہی کرتا ہے جسے اللہ پاک نے توفیق دی ہو وہی ادارے اور شخصیات اپنے ذاتی وسائل سے سماجی خدمات انجام دیتے ہیں،ریسکیو 1122 کے رضاکار اپنے پیشہ وارانہ فرائض ادا کرتے ہوئے انسانیت کی جس طرح خدمت کر رہے ہیں وہ قابل رشک اور دیگر اداروں کیلئے قابل تقلید ہے انسانیت کی خدمت کرنا افضل عبادت بھی ہے،ان خیالات کا اظہار انہوں نے ریسکیو 1122 کے دفتر میں سول سوسائٹی نیٹ ورک کے پیٹرن انچیف شیخ شہزاد مبین کی جانب سے ریسکیو 1122 ٹیم بورے والا کیلئے دی جانے والے جدید ایمبولینس کو ایک معاہدے کے تحت مزید تین سال کیلئے انکے حوالے کرنے کی تقریب کے موقع پر میڈیا سے گفتگو کرتے ہوئے کیا اس موقع پر ریسکیو 1122 کے ڈسٹرکٹ انچارج ڈاکٹر دانش محمود اور ریسکیو سٹیشن انچارج بورے والا عبدالجبار نے بتایا کہ سول سوسائٹی اور کوثر مجید فاؤنڈیشن کی طرف سے دی جانے والی جدید ایمبولینس کے ذریعے گذشتہ تین سالوں کے دوران 5 ہزار سے زائد افراد کو ایمرجنسی کی سہولت فراہم کی جا چکی ہے جس سے ریسکیو 1122 کیلئے عوام کو ایمرجنسی سہولیات پہنچانے میں بھرپور مدر مل رہی ہے اور اس ایمبولینس پر سالانہ لاکھوں روپے کے اخراجات کا بوجھ ادارے پر پڑنے کی بجائے سول سوسائٹی اور کوثر مجید فاؤنڈیشن برداشت کر رہی ہے اس موقع پر سول سوسائٹی نیٹ ورک کے ڈپٹی کنونئیر عبدالرؤف چوہدری،معروف بزنس مین شیخ شاہ رخ خاں،چوہدری اصغر علی جاوید اور سید شبیر حسین شاہ کے علاوہ دیگر ریسکیو افسران اور عملہ بھی موجود تھا بعدازاں اسسٹنٹ کمشنر عمر فاروق،شیخ شہزاد مبین اور ڈاکٹر دانش محمود نے ریسکیو آفس میں شجرکاری کے حوالہ سے ایک پودا بھی لگایا۔
About Author
