مریم گرلز کالج کی جانب سے سی ای او ایجوکیشن صہیب عمران کے اعزاز میں استقبالیہ تقریب

بورے والا(چوہدری اصغر علی جاوید سے)چیف ایگزیکٹو آفیسر تعلیم ضلع وہاڑی صہیب عمران نے کہا ہے کہ ضلع وہاڑی میں تعلیمی شعبہ میں ایسے اقدامات کریں گے کہ ضلع وہاڑی پنجاب کا نمبر ون ضلع ہو گا،تعلیمی اداروں میں “کلین اینڈ گرین” مہم کو مثالی بنائیں گے،تعلیمی اداروں میں صفائی کے نظام پر کوئی سمجھوتہ نہیں ہو گا اس حوالے سے سول سوسائٹی کی خدمات بھی حاصل کریں گے،بہتر کارکردگی کا مظاہرہ کرنے والے اساتذہ اور اداروں کی حوصلہ افزائی کیلئے تمام سرکاری وسائل بروئے کار لائیں گے،پرائیویٹ سیکٹر میں کام کرنے والے تعلیمی ادارے تعلیم کے فروغ اور اسکی ترقی میں بہت اہم کردار ادا کر رہے ہیں،ان خیالات کا اظہار انہوں نے مریم گرلز کالج کی طرف سے مقامی ہوٹل میں انکے اعزاز میں دیئے گئے استقبالیہ سے خطاب کرتے ہوئے کیا استقبالیہ تقریب سے سول سوسائٹی نیٹ ورک کے پیٹرن انچیف شیخ شہزاد مبین،ڈائریکٹر مریم گرلز کالج پروفیسر جاوید اقبال اور سابق چیئرمین سی پی ایل سی ضلع وہاڑی سہیل صابر چوہدری نے بھی خطاب کیا سٹیج سیکرٹری کے فرائض محمد اجمل شاکر نے انجام دیئے جبکہ اس تقریب میں پرنسپل گورنمنٹ کالج پروفیسر خوشی محمد شہزاد،ڈائریکٹر پنجاب کالج پروفیسر مجیداکبر،پروفیسر ڈاکٹر محمد اکرم مرزا،پرنسپل مریم گرلز کالج پروفیسر محمد عمران ورائچ،پروفیسر ظفر عبداللہ،پروفیسر مشتاق احمد،سینئر ہیڈ ماسٹر شاہد حسین،سینئر ہیڈ مسٹریس عابدہ اسلام،سجیلہ نسیم،صدف نذیر،صائمہ اسحاق،نسیم ناز اور دیگر ماہرین تعلیم نے بھی شرکت کی۔