انسانی حقوق کے عالمی دن کے موقع پر مختلف تنظیموں کی کشمیریوں سے اظہار یکجہتی کیلئے ریلیاں

بورے والا(چوہدری اصغر علی جاوید سے)انسانی حقوق کے عالمی دن کے موقع پر سول سوسائٹی نیٹ ورک،سوشل ویلفیئر اینڈ بیت المال،پاکستان یوگا کونسل،سدھار ڈویلپمنٹ آرگنائزیشن،ایکشن کمیٹی ضلع وہاڑی،سماجی تنظیموں اور ریڈز پاکستان کے زیر اہتمام کشمیریوں سے اظہار یکجہتی کیلئے ریلی نکالی گئی،ریلی کے شرکاء نے انڈیا کے خلاف اور کشمیریوں کے حق میں درج نعروں والے پلے کارڈز اور پینا فلکسزز بھی اٹھا رکھے تھے،ریلی پریس کلب کالج روڈ سے شروع ہو کر گول چوک جا کر اختتام پذیر ہوئی،تفصیلات کے مطابق ملک بھر کی طرح بورے والا میں بھی انسانی حقوق کے عالمی دن کے موقع پر سول سوسائٹی نیٹ ورک،سوشل ویلفیئر اینڈ بیت المال،پاکستان یوگا کونسل،سدھار ڈویلپمنٹ آرگنائزیشن،ایکشن کمیٹی ضلع وہاڑی،سماجی تنظیموں اور ریڈز پاکستان کے زیر اہتمام کشمیریوں سے اظہار یکجہتی اور بھارتی مظالم کے خلاف ریلی نکالی گئی ریلی کے شرکاء نے ہاتھوں میں کشمیری پرچم اور بینرز اٹھا رکھے تھے ریلی کے شرکاء نے ”کشمیر بنے گا پاکستان“ اور پاک فوج کے حق میں نعرہ بازی بھی کی ریلی سے پی ٹی آئی جنوبی پنجاب کے جوائنٹ سیکرٹری ملک فاروق احمد اعوان،پی ٹی آئی سنیئر راہنما و ممبر پاکستان یوگا کونسل چوہدری اعجاز اسلم،سدھار ڈویلپمنٹ آرگنائزیشن کی چیئر پرسن میڈم صائمہ بتول،سوشل ویلفیئر آفیسر اظہار خالد،ممبر ہیومن رائٹس کمیٹی ضلعی وہاڑی چوہدری مختار احمد جٹ اور منیجر پروگرام کواڑینیشن اینڈ نیٹورکنگ ڈاکٹر مظفر سعید نے خطاب کرتے ہوئے کہا کہ کشمیر میں بھارتی مظالم پر عالمی برادری کی خاموشی افسوسناک ہے انہوں نے عالمی برادری سے مطالبہ کیا ہے کہ کشمیر میں انسانی حقوق کی خلاف ورزیوں کا فوری نوٹس لیا جائے ریلی میں سول سوسائٹی نیٹ ورک کے ڈپٹی کنونیئر چوہدری اصغر علی جاوید،پریس کلب بورے والا کے سنیئر ممبر اصغر علی جاوید(کامریڈ)،سول سوسائٹی نیٹ ورک کے سنیئر ممبر سید زاہد حسین مشہدی،سوشل ویلفیئر اینڈ کمیونٹی ڈویلپمنٹ سوسائٹی بورے والا کے صدر محمد شیر خان کھچی،ممبر پاکستان یوگا کونسل شاہد ندیم بھٹی،ڈبلیو ایف ایس نعیم اختر،ایکشن کمیٹی ضلع وہاڑی کے ممبر میاں آفتاب حسین،ثقلین ڈوگر اور خواتین نے بھی شرکت کی۔