شیخ فاضل کے قریب خطرناک ڈاکوﺅں کے ساتھ پولیس مقابلہ بین الاضلاعی گروہ کے دوڈاکو مارے گئے
بورے والا(چوہدری اصغر علی جاوید سے)بورے والا کے نواحی گاﺅں میں گذشتہ شب خطرناک ڈاکوﺅں اور پولیس کے مابین فائرنگ کے نتیجہ میں بین الاضلاعی گروہ کے دوڈاکو مارے گئے جبکہ تھانہ شیخ فاضل پولیس گاڑی کا ڈرائیور عبدالرزاق شدید زخمی ہو گیا جسے تشویشناک حالت میں نشتر ہسپتال ملتان ریفر کر دیا گیا،ملزمان کے خلاف پولیس نے مقدمہ درج کر لیا،پولیس ذرائع کے مطابق مرنے والے دونوں ڈاکوﺅں کی شناخت کر لی گئی،تفصیلات کے مطابق تھانہ شیخ فاضل پولیس کے ایس ایچ او چوہدری رشید احمد جو کہ معمول کی گشت پر تھے اطلاع ملی کہ پانچ مسلح ڈاکو تھانہ غازی آباد چیچہ وطنی کے علاقہ میں ایک شخص ابو سفیان سے 125موٹر سائیکل چھین کر چک 94ای بی کی حدود میں ناکہ لگا کر کھڑے ہیں اطلاع ملتے ہی ایس ایچ او نفری کے ہمراہ پہنچے تو پتہ چلا کہ ڈاکو چک 94ای بی کے چوک میں ایک دوکان سے پٹرول ڈلوا رہے ہیں پولیس گاڑی کو دیکھتے ہی ڈاکوﺅں نے سیدھی فائرنگ شروع کر دی ڈاکوﺅں کی فائرنگ سے سرکاری گاڑی کی ونڈ سکرین ٹوٹ گئی اور ایک فائر کانسٹیبل ڈرائیور عبدالرزاق کے سر میں لگا اور وہ شدید مضروب ہو کر گر پڑا وائرلیس کنٹرول پر اطلاع ملتے ہی ڈی ایس پی بورے والا ملک طاہر مجیدایلیٹ فورس اور دیگر تھانوں کی نفری بھی جائے وقوعہ پر پہنچ گئی تقریباً آدھ گھنٹہ فائرنگ کے تبادلہ میں دو ڈاکو مارے گئے فائرنگ کی آوازیں سن کر پورے گاﺅں کے لوگ خوفزدہ ہو کر گلیوں میں نکل آئے اور پولیس کے حق میں نعرے بازی کی جبکہ دیگر تاریکی کا فائدہ اٹھاتے ہوئے فرار ہو گئے مرنے والے ڈاکوﺅں کی تلاشی سے ان کی شناخت ہو گئی ایک ڈاکو محمد اسلم ولد حبیب مسلم شیخ سکنہ 104/7-Rہڑپہ کا رہائشی ہے اور 12سنگین مقدمات میں پولیس کو مطلوب تھا اس کے قبضہ سے پسٹل 30بور 4میگزین 172گولی پسٹل اور موبائل فون برآمد ہوا جبکہ مرنے والے دوسرے ڈاکو کی شناخت غلام یسین وٹو سکنہ چک 608گ ب ستار والا تاندلیانوالہ ضلع فیصل آباد ہوئی جو کہ 9سنگین مقدمات میں ملوث تھا اس کے قبضہ سے کلاشنکوف تین میگزین 340گولی کلاشنکوف برآمد ہوئی ڈی پی او وہاڑی عمر سعید ملک ایس پی انوسٹی گیشن زبیدہ پروین اور ڈی ایس پی آرگنائزر کرائمز ٹکا سجاد محمد خان بھی جائے وقوعہ پر پہنچ گئے اور پولیس مقابلہ میں حصہ لینے والے ایس ایچ او شیخ فاضل چوہدری رشید احمد اور ان کی ٹیم کیلئے 25ہزار روپے کیش کا اعلان کیا اور انہیںشاباش دی تھانہ شیخ فاضل پولیس نے وقوعہ کے سلسلہ میں زیر دفعہ 149-148-427-186-353-324-302اور 13/20/65مقدمہ درج کر کے مرنے والے دونوں ڈاکوﺅں کی نعشیں پوسٹمارٹم کے بعد پولیس کی نگرانی میں ان کے آبائی علاقوں کو روانہ کر دیں ڈی پی او وہاڑی عمر سعید ملک نے بتایا کہ خطرناک ڈاکوﺅں کے اس گروہ نے ضلع وہاڑی ،ضلع پاکپتن اور ضلع ساہیوال کے علاقوں میں گذشتہ دو ماہ سے لوٹ مار کا بازار گرم کر رکھا تھا جو بالا خر کیفر کردار کو پہنچ گئے فرار ہونے والے دیگر تین ڈاکوﺅں کے بارے میں ملنے والی معلومات کی روشنی میں گھیرا تنگ کر دیا گیا جلد ہی ان کی گرفتاری عمل میں آجائے گی۔
About Author
