ہم گرفتاریوں اور مقدمات سے نہیں ڈرتے تمام رکاوٹیں توڑ کر ملتان جائیں گے۔اراکین اسمبلی
بورے والا(چوہدری اصغر علی جاوید سے)مسلم لیگ(ن) کے ایم این اے چوہدری فقیر احمد آرائیں،ممبران پنجاب اسمبلی سردار خالد محمود ڈوگر،چوہدری محمد یوسف کسیلیہ اور دیگر لیگی راہنماﺅں نے کہا ہے کہ 30 نومبر کا ملتان میں جلسہ کامیاب اور تاریخی جلسہ ہو گا،لیگی کارکنان اس جلسہ میں اپنی شرکت ہر صورت یقینی بنائیں گے،میاں نواز شریف،میاں شہباز شریف اور مریم نواز کی قیادت میں ہم متحد ہیں اور انکی قیادت میں جلسہ میں ہر صورت شرکت کریں گے اگر حکومت نے ہمارا راستہ روکنے کی کوشش کی تو حالات کی ذمہ دار حکومت ہو گی ہم گرفتاریوں اور مقدمات سے نہیں ڈرتے تمام رکاوٹیں توڑ کر ملتان جائیں گے،حکومت جتنی مرضی انتقامی کاروائیاں کر لے ان کے دن گنے جا چکے ہیں اور حکومت کو گھر بھیج کر دم لیں گے کارکن تیاری کریں اور ڈرنے کی کوئی ضرورت نہیں ملتان کا جلسہ ایک تاریخ رقم کرے گا،ان خیالات کا اظہار انہوں نے مسلم لیگ(ن) کے دفتر واقع سیٹلائٹ ٹاﺅن میں منعقدہ ”ورکرز کنونشن“ سے خطاب کرتے ہوئے کیا ورکر کنونشن سے سابق وائس چیئرمین ضلع کونسل رانا شاہد سرور،صدر مسلم لیگ(ن) پی پی 230 چوہدری سعید آرائیں،جنرل سیکرٹری سردار شاہد کریم ڈوگر،ضلعی صدر مسلم لیگ(ن) یوتھ ونگ منظور برکت ماڑی والا،سٹی صدر شاہد نواب خاں،سابق کونسلرز بلدیہ خان خالد خالد،راﺅ غفار علی،رانا شاہد سرور،اقلیتی ونگ کے راہنما نذیر رندھاوا اور دیگر راہنماﺅں نے بھی خطاب کیا اس موقع پر سابق چیئرمین یوسی پیر عامر ممتاز چشتی صدر،سابق کونسلرز بلدیہ ثناء اللہ رحمانی،سردار فلک شیر ڈوگر،سنیئر (ن) لیگی راہنما ارشاد حسین چوہدری،صدر ٹرانسپورٹ یونین سردار شاہد ڈوگر،چوہدری اسامہ اور سینکڑوں کارکنان بھی موجود تھے۔
About Author
