فرانس کے صدر کی حضور اکرمﷺ کی شان اقدس میں گستاخی عالمی دہشت گردی ہے۔مولانا زاہد محمود قاسمی

بورے والا(چوہدری اصغر علی جاوید سے)چیئرمین مرکزی علماء کونسل پاکستان نائب صدر ملی یکجہتی کونسل مولانا زاہد محمود قاسمی نے کہا ہے کہ حضور اکرم صلی اللہ علیہ وسلم پوری انسانیت کیلئے رحمت بن کر آئے،آپکی سیرت طیبہ قیامت تک آنے والے انسانوں کیلئے نجات کا ذریعہ ہے،اسلام دین رحمت ہے آپ صلی اللہ علیہ وسلم نے ہمیشہ امت کو امن کا درس دیا،ان خیالات کا اظہار انہوں نے سینئر صوبائی نائب صدر مرکزی علماء کونسل پنجاب حافظ محمد ابوسفیان حنفی کی میزبانی میں میونسپل کارپوریشن میں منعقدہ چوتھے سالانہ پیغام رحمة للعالمین صلی اللہ علیہ وسلم سیمینار سے خطاب کرتے ہوئے کیا سیمینار سے مرکزی سیکرٹری جنرل مولانا شاہنواز فاروقی،مرکزی وائس چیئرمین پیرجی خالد محمود قاسمی،جنرل سیکرٹری مجلس احرار اسلام پاکستان حاجی عبداللطیف خالد چیمہ،ایم پی اے سردار خالد محمود ڈوگر،صدر مرکزی انجمن تاجران حاجی محمد جمیل بھٹی،مولانامفتی محمد عثمان جالندھری،قاری سعید احمد عثمانی،حافظ مقبول احمد،مولانا سید آصف شاہ بخاری،مولانا عامر اشرف،مولانا نعیم طلحہ،مولانا لقمان حنبلی اور نامور عالم دین مولانا زبیر گوردا سپوری نے بھی خطاب کیا مولانا زاہد محمود قاسمی نے کہا کہ حرمت رسول پر جان بھی قربان ہے نام نہاد آزادی اظہار کے خلاف پوری دنیا کے مسلمان ایک ہیں فرانس کے ملعون صدر کی حضور اکرم صلی اللہ علیہ وسلم کی شان اقدس میں گستاخی عالمی دہشت گردی ہے جسے کسی صورت برداشت نہیں کیا جا سکتا حکومت پاکستان سرکاری سطح پر فرانس کی مصنوعات کے بائیکاٹ کا اعلان کرے سیمینار میں ایم این اے چوہدری فقیر آرائیں کے بیٹے اسامہ احمد چوہدری،سابق تحصیل نائب ناظم غلام مصطفےٰ بھٹی،امیر جماعت اسلامی حاجی عبدالوحید خالد،حافظ یاسر راشدی،شیخ محمد عابد،محمد عاطف چوہدری،شیخ اعظم سلطان،شیخ عمران عزیز،محمد عبد اللہ اشرف،حکیم حافظ محمد قاسم،طلعت محمود چوہدری ایڈووکیٹ،صوبائی رکن اتحاد بین المسلمین کمیٹی حکومت پنجاب میاں محمد اجمل عباس،مرکزی علماء کونسل ملتان ڈویژن کے نائب صدر قاری اللہ بخش ساجد،جنرل سیکرٹری مفتی خواجہ حنظلہ محمود صدیقی،ارشاد حسین چوہدری،رانا غلام مصطفی،مولانا قاری منور حسین شاہد،عبداللہ دانش چوہدری،چوہدری عصمت اللہ سنی،لیبر یونین کے جنرل سیکرٹری حافظ عثمان ریاض،خان اکبر خان،خالد خان اور محمد مدثر سمیت تحصیل بھر سے معززین شہر نے بڑی تعداد میں شرکت کی جبکہ عالمی شہرت یافتہ نعت خواں سید عزیزالرحمان شاہ اور حسن افضال آف لاہور نے ہدیہ نعت پیش کیا۔