ایک اچھا انسان ہی اچھا جج اور اچھا وکیل بن سکتا ہے۔سیشن جج سلمان بیگ

بورے والا(چوہدری اصغر علی جاوید سے)بار ایسوسی ایشن بورے والا کی طرف سے بار روم میں ڈسٹرکٹ اینڈ سیشن جج وہاڑی سلمان بیگ اور دیگر نئے آنے والے ججز کے اعزاز میں استقبالیہ تقریب کا انعقاد کیا گیا جسکی صدارت صدر بار نوید احمد چیمہ نے کی جبکہ تقریب سے سیشن جج وہاڑی سلمان بیگ نے خطاب کرتے ہوئے کہا کہ ایک اچھا انسان ہی اچھا جج اور اچھا وکیل بن سکتا ہے،کالے کوٹ کی بڑی عظمت ہے جب بھی تاریخ لکھی جائے گی کالے کوٹ کی اہمیت کو نہیں بھلایا جا سکے گا جس ملک کی عدالت انصاف دے اور وکیل انصاف لیکر دے وہ ملک ایک عظیم ملک ہوتا ہے مظلوم خواہ کافر اور دھریا کیوں نہ ہوں انصاف اسکا حق ہے تقریب سے صدر بار نوید چیمہ نے اپنے خطاب میں سپاسنامہ پیش کرتے ہوئے کہا کہ بورے والا کچہری میں ججز کیلئے جوڈیشل کمپلیکس میں توسیع،کورٹس میں لیڈیز شیڈ کی تعمیر،وکلاء کیلئے نئے چیمبرز،محافظ خانہ اور سیکورٹی کی صورتحال بہتر بنانے سمیت دیگر مطالبات پیش کئے تقریب سے ایڈیشنل سیشن جج ظفر اقبال،سیکرٹری بار کاشف مقبول جٹھول،سابق صدور چوہدری محمود اختر گھمن،سردار ساجد احمد ڈوگر،چوہدری حبیب احمد،ملک شجاع الحق اور دیگر وکلاء نے بھی خطاب کیا استقبالیہ تقریب میں ایڈیشنل سیشن ججز وسیم مبارک،شوکت جاوید،سلیم اقبال،سینئر سول جج ناصر حسین،سول ججز بلال مدنی،زاہد حسین،ساجد یعقوب،بشریٰ شہزادی،آصف اقبال،طاہر منطور،نعمان طاہر،عثمان بشیر،سابق صدور بار ملک فرقان یوسف کھوکھر،مہر طاہر امجد اور دیگر وکلاء بھی موجود تھے دریں اثناء سیشن جج وہاڑی نے احاطہ کچہری میں پودا لگا کر شجرکاری مہم کا بھی افتتاح کیا۔