دوسروں کی زندگیاں بچانے کیلئے اپنی زندگی کی قربانی دینے والے ہمارا فخر ہے۔اسسٹنٹ کمشنر
بورے والا(چوہدری اصغر علی جاوید سے)بارانی انسٹی ٹیوٹ آف سائنسسز اور ریسکیو 1122 کے اشتراک سے آج چیچہ وطنی روڈ کیمپس ایرڈ یونیورسٹی میں تباہ کاریوں کے خصوصی دن کے حوالہ سے ایک سیمینار منعقد ہوا جسکے مہمانان خصوصی اسسٹنٹ کمشنر کامران بشیر ڈوگر،ڈائریکٹر بارانی یونیورسٹی (ساہیوال کیمپس) ڈاکٹر محمد عظیم اورڈسٹرکٹ ایمرجنسی آفیسر ریسکیو 1122 ڈاکٹر دانش خلیل تھے سیمینار میں یونیورسٹی کے رضا کار طلباء اور ریسکیو کے جوانوں نے قدرتی آفات یا حادثہ کی صورت میں فوری سروس مہیاء کرنے کے حوالہ سے خاکہ بھی پیش کیا جبکہ تقریب سے خطاب کرتے ہوئے اسسٹنٹ کمشنر کامران بشیر ڈوگر،برگیڈیئر(ر) سید عامر ہاشمی،ڈائریکٹر بارانی یونیورسٹی (ساہیوال کیمپس) ڈاکٹر محمد عظیم،ڈسٹرکٹ ایمرجنسی آفیسر ڈاکٹر دانش خلیل،اسٹیشن انچارچ ریسکیو 1122 مہدی حسن ظفر،پرنسپل گورنمنٹ کالج پروفیسر خوشی محمد شہزاد،شہزاد کنول،سدھار ڈویلپمنٹ آرگنائزر کی چیئرپرسن میڈم صائمہ بتول اور سول سوسائٹی نیٹ ورک کے ڈپٹی کنونیئر چوہدری اصغر علی جاوید نے ریسکیو 1122 کی قومی اور رضاکارانہ خدمات کو خراج تحسین پیش کرتے ہوئے کہا کہ جو بھی کمیونٹی کسی بھی سانحہ پر اپنی مدد آپ نہ کر سکے وہی سب سے بڑا سانحہ ہے دوسروں کی زندگیاں بچانے کیلئے اپنی زندگیوں کی قربانیاں دینے والے ہمارا فخر ہیں 8 اکتوبر 2005 کے زلزلہ میں ریسکیو کے جوانوں نے اپنی جان پر کھیلتے ہوئے جس طرح اپنی خدمات پیش کر کے قیمتی انسانی جانیں بچائیں وہ تاریخ میں سنہری حروف سے لکھی جائیں گی قدرتی آفات کے نتیجہ میں ہونے والی تباہ کاریوں اور حادثات کے دوران انسانی جانوں کے ضیاع کو روکنے کیلئے معاشرے کے ہر فرد کو ریسکیو کی طرح تربیت حاصل کر کے انکے شانہ بشانہ خدمات پیش کرنی چاہئیں جو دوسروں کی زندگی بچانے کیلئے اپنی جان کی پرواہ نہیں کرتے انکی جانوں کی حفاظت بھی اللہ تعالی ہی کرتا ہے اس لئے ہمیں ایسی تربیت حاصل کرنی چاہیے تاکہ کسی بھی حادثہ کی صورت میں ہم اپنی خدمات پیش کر سکیں تقریب کے اختتام پر مہمان شخصیات،مختلف شعبہ ہائے زندگی کے نمائندہ افراد اور ریسکیو اہلکاروں میں انکی خدمات کے اعتراف میں اعزازی شیلڈ بھی تقسیم کی گئیں اس موقع پر ایرڈ ایگریکلچرل یونیورسٹی کے ڈائریکٹر حافظ ساجد شریف،سابق وائس پرنسپل گورنمنٹ کالج پروفیسر راشد سدھو،ڈائریکٹر پنجاب کالج پروفیسر مجید اکبر،صدر بار نوید احمد چیمہ،پی ٹی آئی کے سینئر راہنماء چوہدری اعجاز اسلم،انچارج پیٹرولنگ پوسٹ چوہدری محمد عظیم،معروف سماجی شخصیت شہزاد محمود شیخ،”ایمرا“ کے صدر ندیم انجم سندھو،شبیر شاہ،ناصر محمود چوہدری،شاہد ندیم بھٹی،محمد عثمان اور دیگر نمائندہ شخصیات بھی موجود تھیں۔
About Author
