ماحول کو صاف رکھنے اور صحت کیلئے زیادہ پودے لگانا ضروری ہے۔رانا اورنگزیب
بورے والا(چوہدری اصغر علی جاوید سے)ملک بھر کی طرح ”ریسٹ ہاﺅس“ بورے والا میں بھی ٹائیگر فورس ڈے منایا گیا اور پلانٹ فار پاکستان مہم کا آغاز کر دیا گیا،بورے والا پلانٹ فار پاکستان مہم کا افتتاح اسسٹنٹ کمشنر رانا اورنگزیب نے کیا اس موقع پر پی ٹی آئی جنوبی پنجاب کے جوائنٹ سیکرٹری ملک فاروق احمد اعوان،ملک امتیاز احمد اور رینج فاریسٹ آفیسر بھی موجود تھے اسسٹنٹ کمشنر رانا اورنگزیب اور ملک فاروق اعوان نے ”کورونا ٹائیگر فورس“ کے ہمراہ پلانٹ فار پاکستان کے سلسلہ میں پودے لگائے اسسٹنٹ کمشنر رانا اورنگزیب نے گفتگو کرتے ہوئے کہا کہ وزیر اعظم پاکستان عمران خان کے ویژن کے مطابق 2023 تک گرین پاکستان کو ضرور پورا کیا جائے گا اس کیلئے ضروری ہے کہ زیادہ سے زیادہ پودے لگائے جائیں ماحول کو صاف رکھنے اور صحت کیلئے درخت لگانا ضروری ہے اسسٹنٹ کمشنر نے کہا کہ ٹائیگر فورس کے حوالے سے میری تمام جوانوں سے گزارش ہے کہ وہ اپنی ذمہ داریوں کو بخوبی احسن طریقے سے نبھائیں پی ٹی آئی جنوبی پنجاب کے جوائنٹ سیکرٹری ملک فاروق احمد اعوان نے کہا کہ ٹائیگر فورس کے جوان عمران خان کے ویژن کو ہر سطح پر کامیاب بنائیں گے انکی ملکی خدمات ناصرف پی ٹی آئی بلکہ پوری قوم کیلئے قابل فخر ہیں ملکی اداروں کے شانہ بشانہ ٹائیگر فورس ”کورونا وائرس“ کے خلاف مہم میں ایس او پیز پر عملدرآمد کروانے کے علاوہ اب پلانٹ فار پاکستان کے تحت ملک کو سرسبز بنانے میں بھی اپنا کردار ادا کریں گے اس موقع پر رینج آفیسر بورے والا تنویر خان نے کہا کہ دس ہزار پودے نرسریوں کے ذریعے لگائے جائیں گے ٹائیگر فورس ڈے کی مناسبت سے بھی میں ٹائیگر فورس کے جوانوں سے یہ گزارش کروں گا کہ وہ اپنی ذمہ داری کو پورا کرتے ہوئے پودے لگوائیں۔
About Author
