محرم الحرم میں امن و امان کے قیام اور بلدیہ کی جانب سے انتظامات مثالی ہونگے ۔ چوہدری عاشق آرائیں

بورے والا(چوہدری اصغر علی جاوید سے)چیئرمین بلدیہ بورے والا چوہدری محمد عاشق آرائیں نے کہا ہے کہ محرم الحرم میں امن و امان کے قیام اور بلدیہ کی جانب سے انتظامات مثالی ہونگے،امن کے قیام میں تمام مکاتب فکر کو اپنا مثبت کردار ادا کرنا ہو گا،بورے والا ہمیشہ امن کا گہواہ رہا ہے اس سال بھی سابقہ روایات کو سامنے رکھ کر موثر اور ٹھوس اقدامات کیے جائیں گے ہم سب نے ملکر امن دشمنوں کے ناپاک عزام کو ناکام بنانا ہے جس کے لیے اخوت اور بھائی چارے کی فضاءکو پہلے سے بھی زیادہ بہتر بنانا ہو گا امن کمیٹی اور شہریوں کا کردار گذشتہ سالوں میں بھی مثالی رہا ہے آئندہ بھی ہمیں اتحاد،یگانگت،یکجہتی،اخوت اور بھائی چارے کو فروغ دینا ہے،ان خیالات کا اظہار انہوں نے محرم الحرام کی آمد کے حوالہ سے کیے جانیوالے انتظامات کو حتمی شکل دینے کیلئے اہل تشیع سمیت تمام مکاتب فکر اور امن کمیٹی کے ارکان کے اجلاس سے خطاب کرتے ہوئے کیا اجلاس سے خطاب کرتے ہوئے اسسٹنٹ کمشنر بورے والا راﺅ تسلیم اختر اور ڈی ایس پی طاہر مجید ملک نے کہا کہ پولیس اور تحصیل انتظامیہ محرم الحرام میں سیکورٹی کے فول پروف انتظامات یقینی بنائے گی مرکزی جلوس،علم و تعزیہ کے چھوٹے بڑے جلوسوں اور مجالس پر پولیس اور رضا کاروں پر مشتمل اہلکاروں کی ڈیوٹیاں لگاتے وقت متعلقہ انتظامیہ کی تجاویز کو سامنے رکھا جائے گا محرم الحرام کے دوران مجالس انتظامیہ کو چاہئے کہ وہ کسی بھی شرپسندی سے بچنے کے لیے جن علماءکی زبان بندی کی گئی ہے اُن کو نہ بلوائے مرکزی جلوس کے راستوںمیں سی سی ٹی وی کیمروں اور واک تھرو گیٹس کی مدد سے داخلی و خارجی راستوں کی مکمل مانیٹرنگ کی جائے گی اجلاس سے ضلعی صدر انجمن تاجران محمد جمیل بھٹی،انجمن حیدریہ کے راہنما سید اسد حسین شاہ،سی نسیم نقوی اور دیگر شخصیات نے بھی خطاب کیا اجلاس میں ایس ڈی او واپڈا سٹی سب ڈویژن منیر اختر،چیف آفیسر بلدیہ راﺅ محمد علی،بزرگ لیگی راہنما و ممبران امن کمیٹی چاچا ملک محمد اسلم،غلام رسول زیدی،شہباز حسین بھٹی،چوہدری محمد صغیر رامے،عبدالحفیظ تبسم،آواز ڈسٹرکٹ فورم کے جنرل سیکرٹری محمد شیر خاں کچھی تمام تھانوں کے ایس ایچ اوز اور مختلف سرکاری محکموں کے افسران بھی موجود تھے۔