محکمہ خوراک کے فوڈ انسپکٹرز اور آڑھتیوں کا مبینہ گٹھ جوڑ،گندم 1600 روپے تک فروخت ہونے لگی
بورے والا(چوہدری اصغر علی جاوید سے)محکمہ خوراک کے فوڈ انسپکٹرز اور آڑھتیوں کا مبینہ گٹھ جوڑ،محکمہ خوراک کا خریداری ہدف مکمل کرنے کی بجائے آڑھتیوں سے ملکر مارکیٹ میں گندم 1600 روپے تک فروخت ہونے لگی،فلور ملز مالکان نے مہنگی گندم خرید کر آٹے کے نرخ بڑھا دیئے،محکمہ خوراک ٹارگٹ پورا کرنے میں ناکام،ذرائع کے مطابق محکمہ خوراک کے فوڈ انسپکٹرز کی چشم پوشی مقامی آڑھتیوں سے مبینہ ملی بھگت کی وجہ سے مارکیٹ میں گندم کے نرخ 1600 روپے فی من تک جا پہنچے ہیں محکمہ خوراک کے افسران ذخیرہ شدہ گندم مارکیٹ میں آنے پر اسے قبضہ میں لینے کی بجائے آڑھتیوں کو کھلی چھٹی دے رہے ہیں اور مارکیٹ سے فلور ملز مالکان یہی گندم 1600 روپے فی من خرید رہے ہیں جسکی وجہ سے آٹے کی قیمت میں 7/8 روپے فی کلو اضافہ ہو چکا ہے محکمہ خوراک کے فوڈ انسپکٹروں کی اس مبینہ چشم پوشی اور ساز باز کی وجہ سے محکمہ خوراک کا خریداری ہدف پورا کرنا ناممکن ہو چکا ہے اس سلسلہ میں محکمہ خوراک کے فوڈ انسپکٹرز نے رابطہ کرنے پر اس الزام کی تردید کرتے ہوئے کہا کہ محکمہ کو جہاں بھی ذخیرہ شدہ گندم کی اطلاع ملتی ہے ہم فوری کاروائی کرتے ہیں اور قبضہ میں لے لیتے ہیں مارکیٹ میں اپنے طور پر آڑھتی حضرات کسانوں سے گندم خرید کر فروخت کرتے ہیں۔
About Author
