بے روزگاری کی وجہ سے گونگے بہرے افراد کے سینکڑوں خاندان فاقہ کشیوں پر مجبور ۔ ثقلین ظفر ہاشمی

بورے والا(چوہدری اصغر علی جاوید)میٹرک پاس گونگے بہرے افراد سرکاری ملازمتوں سے محروم،بے روزگاری کی وجہ سے گونگے بہرے افراد کے سینکڑوں خاندان فاقہ کشیوں پر مجبور،گھریلو اخراجات اور مکانوں کا کرایہ پورا نہ ہونے کی وجہ سے خصوصی افراد کسی مسیحا کے منتظر،وزیر اعظم تک آواز بلند کرنے کے باوجود بے یارو مدد گار،تفصیلات کے مطابق ڈف اینڈ ڈمپ ویلفیئر ایسوسی ایشن بورے والاکے چیئرمین ثقلین ظفر ہاشمی نے میڈیا کے نمائندوں سے گفتگو کرتے ہوئے کہا کہ حکومت خصوصی افراد کو ملازمتیں دینے کے علاوہ انکی معاشی حالت بہتر بنانے کے لیے روزگار کی فراہمی کے جو دعوے کرتی آ رہی ہے اس میں کوئی صداقت نہیں میں شادی شدہ شخص ہوں تین بچے ہیں جبکہ میری بیوی بھی گونگی بہری ہے میٹرک پاس ہوں اور مجھ سمیت ہماری ایسوسی ایشن سے منسلک 100سے زائد پڑھے لکھے افراد جن میں بیشتر شادی شدہ ہیں اور مختلف مقامات پر محنت مزدوری کرکے بڑی مشکل سے بچوں کے لیے دو وقت کی روٹی پوری کرتے ہیں کرایہ کے مکانوں میں بھاری ایڈوانس اور8سے10ہزار ماہانہ کرایہ ادا نہ کرنے کی وجہ سے سخت مالی مشکلات کا شکار ہیں ہم بھی معاشرے کے ذمہ دار شہری ہیں پڑھے لکھے ہونے کے ساتھ ساتھ ہنر مند بھی ہیں لیکن حکومت اور معاشرہ انہیں قبول نہیں کرتا روزانہ اور ماہانہ اجرت سے دو وقت کی روٹی بھی پوری نہیں ہو سکتی شادی شدہ افراد کے بچے تعلیم اور صحت جیسی بنیادی سہولتوں سے محروم ہو رہے ہیں ماہانہ آمدن بڑی مشکل سے15ہزار ہوتی ہے لیکن اس میں سے مکان کا کرایہ،بجلی کا بل،بیماری کے لیے ادویات،شادی بیاہ کے اخراجات اور بچوں کے جوتی کپڑے ہی پورے کرنا مشکل ہے اگر ان کو کھانے کے لیے روٹی فراہم کرتے ہیں تو کھلے آسمان تلے رہنا پڑتا ہے اس حوالہ سے حکومت دعوے تو بہت کرتی ہے لیکن عملی طور پر ہمارا کوئی پرسان حال نہیں ہم نے اس حوالہ سے وزیر اعظم تک اپنی تحریری درخواستیں بھی ارسال کی ہیں لیکن تاحال کسی درخواست کا نوٹس نہیں لیا گیا ہمیں روزگار کی فراہمی،بچونکی تعلیم اور صحت کی سہولتیں فراہم کرنا حکومت کی ذمہ داری ہے لیکن ہم مسلسل نظر انداز ہونے سے اب کسی مسیحا کے منتظر ہیں انہوں نے حکومت سے روزگار کی فراہمی اور رہنے کے لیے مکان فراہم کرنے کا مطالبہ کیا ہے۔