انسانی حقوق کے عالمی دن کے موقع پر خواتین پر تشدد اور جنسی جرائم کے حوالہ سے سیمینار کا انعقاد

بورے والا(چوہدری اصغر علی جاوید سے)سماجی تنظیم شرکت گاہ اور سدھار ڈویلپمنٹ سوسائٹی کے زیر اہتمام انسانی حقوق کے عالمی دن کے موقع پر خواتین پر تشدد اور جنسی جرائم کے حوالہ سے سیمینار کا انعقاد،سیاسی،سماجی،کاروباری اور دیگر تنظیموں کے نمائندہ افراد کی شرکت،تفصیلات کے مطابق انسانی حقوق کے عالمی دن کے موقع پر سماجی ادارے شرکت گاہ اور سدھار ڈویلپمنٹ سوسائٹی کی طرف سے مقامی ہوٹل میں خواتین کے حقوق اور جنسی تشدد کے حوالے سے ایک سیمینار کا انعقاد کیا گیا جس میں ارکان اسمبلی چوہدری فقیر احمد آرائیں،سردار خالد محمود ڈوگر،اے ایس پی عزیر احمد،سابق ایم پی اے مس شمیلہ اسلم،پی ٹی آئی خواتین ونگ کی سینئر راہنماءمسسز لبنی احتشام،محمد صادق مرزا،پرنسپل گورنمنٹ کالج پروفیسر خوشی محمد شہزاد،پی ٹی آئی کے سینئر راہنماء ملک فاروق اعوان،سابق پرنسپل گورنمنٹ کالج پروفیسر آر اے راشد سدھو،ڈی ڈی ایچ او ڈاکٹر شاہد اقبال،ایم ایس ڈاکٹر عمران بھٹی،پرنسپل سپیرئیر کالج میں آصف سردار،ڈاکٹر شاہد مسعود،شرکت گاہ ریسورس سنٹر کی پروگرام آفیسر آمینہ،فیروز بتول،سدھار ڈویلپمنٹ سوسائٹی کی چیئرپرسن صائمہ بتول،ڈپٹی کنونیئر سول سوسائٹی نیٹ ورک چوہدری اصغر علی جاوید،سابق اپوزیشن لیڈر بلدیہ غلام مصطفےَ بھٹی،ایس ڈبلیو سی ڈی ایس کے صدر محمد شیر خاں کھچی،صدر ”ایمرا“ ندیم انجم سندھو،حافظ محمد طارق،فرح بتول،مسعود عابد،غلام فرید کھچی،ماہرین تعلیم،سیاسی و سماجی اور دیگر شعبہ ہائے زندگی کی خواتین اور مرد حضرات نے شرکت کی سیمینار سے خطاب کرتے ہوئے مقررین نے کہا کہ ہمارے معاشرے میں آئے روز خواتین اور معصوم بچوں کے ساتھ جنسی زیادتی کے واقعات میں غیر معمولی اضافہ نہ صرف ریاستی اداروں بلکہ معاشرے کے ہر فرد کیلئے چیلنج بن چکا ہے ہمیں سب کو ملکر ان جرائم پر قابو پانے اور واقعات کی روک تھام کیلئے ٹھوس اور عملی اقدامات کرنے کے علاوہ عوام میں شعور بیدار کرنا ہو گا سماجی تنظیموں کا اس حوالے سے کردار قابل ستائش ہے ایسے جرائم میں ملوث افراد کو کیفر کردار تک پہنچانے کیلئے حائل رکاوٹوں کو بھی دور کرنا وقت کی اہم ترین ضرورت ہے۔