ڈکیتی کی تین مختلف وارداتوں میں ڈاکو لاکھوں روپے نقدی اور دیگر سامان لوٹ کر فرار
بورے والا(چوہدری اصغر علی جاوید سے)ڈاکوﺅں کے شہریوں پر وار جاری،ڈکیتی کی تین مختلف وارداتوں میں نا کہ لگا کر ڈاکو راہگیروں سے لاکھوں روپے نقدی،موبائل فونز اور زیورات چھین کر فرار،خواتین سے بدتمیزی،تفصیلات کے مطابق بورے والا میں جاری مختلف جرائم پیشہ گروہوں کی جانب سے شہریوں سے لوٹ مار کا سلسلہ جاری ہے پہلی واردات میں بورے والا کے رہائشی ضیاء احمد اور فرحان اپنی موٹر سائیکل پر نواحی گاﺅں 35 (کے بی) سے واپس گھر آ رہے تھے کہ تھانہ کی حدود میں واقع نواحی گاﺅں 299 (ای بی) جملیرا روڈ پر دو نامعلوم مسلح ڈاکو گن پوائنٹ پر ایک لاکھ 90 ہزار نقدی چھین کر فرار ہو گئے،دوسرے واقعہ میں تھانہ صدرکی حدود 521 (ای بی) کے قریب پانچ نامعلوم مسلح ڈاکو سر شام ناکہ لگا شہریوں سے لوٹ مار کرتے رہے اس دوران ڈاکوﺅں نے راہگیر خواتین سے زیورات چھیننے کی کوشش میں ان سے بدتمیزی بھی کی جبکہ نواحی گاﺅں 521 (ای بی) کے رہائشی محمد سجاد نے بتایا کہ وہ اپنے گھر جا رہا تھا کہ ناکہ پر کھڑے ڈاکوﺅں نے اس سے ہزاروں روپے نقدی،موبائل اور دیگر قیمتی سامان لوٹ لیا ڈاکو متعدد راہگیروں سے نقدی اور قیمتی اشیاء لوٹ کر فرار ہو گئے تیسرے واقعہ میں نواحی آبادی امجد ٹاﺅن کا سیل مین علی رضا صابن اور صرف وغیرہ کی سپلائی اور ریکوری کی رقم لیکر گھر واپس آ رہا تھا کہ تھانہ فتح شاہ کی حدود میں اڈا چھٹا میل کے قریب ناکہ لگائے کھڑے دو نامعلوم مسلح ڈاکوﺅں نے اس سے 50 ہزار روپے نقدی چھین لی اور فرار ہو گئے لوٹ مار کی دونوں وارداتوں کی اطلاع متعلقہ تھانوں کو کردی گئی تاحال مقدمات درج نہیں کئے جا سکے۔
About Author
