غیر معیاری مصالہ جات کی تیاری کا دھندا عروج پر،مافیا شہریوں کی صحت سے کھیلنے لگا
بورے والا(چوہدری اصغر علی جاوید سے)رنگ گورا کرنے والی غیر معیاری کریمیں اور مصالہ جات کی تیاری کا دھندا جاری،مافیا شہریوں کی صحت سے کھیلنے لگا،انتظامیہ خاموش تماشائی بن گئی،شہریوں کا ڈی سی وہاڑی سے نوٹس لینے کا مطالبہ،تفصیلات کے مطابق بورے والا شہر کی مضافاتی بستیوں مجاہد کالونی امجد ٹاﺅن،کینال ویو،مارشل گارڈن،لڈن روڈ پر واقع گھروں اور بند فیکٹریوں کو بااثر مافیا نے کرایہ پر حاصل کر کے اندر ناقص میٹریل سے رنگ گورا کرنے والی کریمیں کاسمیٹکس سامان جو کہ ملٹی نیشنل کمپنیوں سے ملتا جلتا ہے تیار کیا جاتا ہے 20 روپے میں تیار ہونے والی کریم کی قیمت 1000 روپے میں فروخت کی جاتی ہے جبکہ مصالہ جات بھی گھر گھر تیار کر کے شہر سے باہر دیگر شہروں میں سپلائی کئے جا رہے ہیں جن کے استعمال سے انسانی صحت پر برے اثرات پڑ رہے ہیں جبکہ ذرائع سے یہ معلوم ہوا ہے کہ ان کی پروڈکشن کسی بھی کوالیفائیڈ پرسن کی زیر نگرانی نہیں کی جاتی اور ٹیکس کی مد میں بھی قومی خزانے کو نقصان پہنچایا جا رہا ہے محکمہ فوڈ اور دیگر متعلقہ ادارے خاموش تماشائی بنے ہوئے شہریوں نے ڈی سی وہاڑی سے کارروائی کرنے کا مطالبہ کیا ہے۔
About Author
