ضلع وہاڑی میں جعلی بیج مافیا کی وجہ سے کسانوں کا معاشی قتل بند کیا جائے۔ذوالفقار اعوان
بورے والا(چوہدری اصغر علی جاوید سے)پاکستان کسان اتحاد کے مرکزی کوآرڈینٹر ملک ذوالفقار حسین اعوان نے کہا ہے کہ ضلع وہاڑی میں جعلی بیج مافیا کی وجہ سے کسانوں کا معاشی قتل بند کیا جائے،مکئی کے جعلی بیج کی کاشت سے ضلع بھر میں ہزاروں ایکڑ رقبہ صبح پر مکئی کی فصل تباہ ہوچکی ہے،محکمہ زراعت اور ضلعی انتظامیہ کی مبینہ چشم پوشی سے کسان اس مافیا کے ہاتھوں معاشی بدحالی کا شکار ہوچکا ہے،لاکھوں روپے اخراجات کرنے کے بعد جعلی بیجوں کی وجہ سے فصلیں تباہ ہونے سے کسان خود کشیوں پر مجبور ہو چکے ہیں،کپاس،چاول،مکئی اور دیگر فصلوں کی پیداوار میں غیرمعمولی کمی سے زرعی شعبہ ”آئی سی یو“ میں داخل ہوچکا ہے ضلعی انتظامیہ کی اس حوالہ سے فرضی میٹنگز اور محکمہ زراعت کی مجرمانہ غفلت کا اگر فی الفور نوٹس نہ لیا گیا تو کسان بھوک ہڑتالوں،مظاہروں اور خودکشیوں پر مجبور ہوجائیں گے،ان خیالات کا اظہار انہوں نے اپنے دفتر میں ہنگامی اجلاس سے خطاب کرتے ہوئے کیا انہوں نے کہا کہ ضلع وہاڑی میں زراعت کے علاوہ دیگر شعبوں میں بھی انتظامیہ عوام کو ریلیف دینے میں بری طرح ناکام ہے شہری میں ڈکیتی و چوری کی وارداتوں میں بے پناہ اضافہ،سڑکیں ٹوٹ پھوٹ کا شکار ہو کر شہر کھنڈر میں تبدیل ہوچکا ہے ناجائز تجاوزات کا جن بے قابو ہو چکا ہے واپڈا کی جانب سے رشوت نہ دینے پر صارفین کے خلاف جھوٹے مقدمات درج کیے جا رہے ہیں محکمہ لائیوسٹاک کی کارکردگی بھی صفر ہے محکمہ تعلیم،صحت اور جنگلات میں بھی کالی بھیڑوں نے عوام کے مسائل حل کرنے کی بجائے ان کا جینا محال کر دیا ہے ایسے لگتا ہے جیسے ضلع وہاڑی علاقہ غیر بن چکا ہے اور جنگل کا قانون ہے ایسے سنگین حالات میں پاکستان کسان اتحاد خاموش نہیں رہے گی اگر حکومت پنجاب نے اس کا فوری نوٹس نہ لیا تو اکسانوں کا اسلام آباد کی طرف 15 اکتوبر کا مارچ تاریخ ساز ہو گا جو حکومت کیلئے بہت سے مسائل کھڑے کر دے گا۔
About Author
