وکلاء برادری نے ایس ایچ او طاہر عزیز کے تبادلے تک احتجاج جاری کرنے کا اعلان کر دیا
بورے والا(چوہدری اصغر علی جاوید سے)بار ایسوسی ایشن اور پولیس انتظامیہ کے مابین ایس ایچ او تھانہ ماڈل ٹاﺅن کے خلاف احتجاج ختم کرانے کیلئے مذاکرات میں ڈیڈ لاک پیدا ہو گیا،وکلاء برادری ایس ایچ او کے تبادلہ تک احتجاج جاری رکھنے پر قائم،اگر تبادلہ نہ کیا گیا تو احتجاج کا دائرہ بڑھا دیا جائے گا،وکلاء کا اعلامیہ،تفصیلات کے مطابق بار ایسوسی ایشن کے صدر ملک فرقان یوسف،جنرل سیکرٹری چوہدری خرم ریاض،وقاص خادم بھٹی،مہر افتخار احمد،شہباز الرحمن بھٹہ،چوہدری ابرار جٹ،شہباز حسین بھٹی اور دیگر وکلاء پر مشتمل وفد کے ساتھ اسسٹنٹ کمشنر رانا اورنگزیب اور اے ایس پی آصف رضا نے ایس ایچ او تھانہ ماڈل ٹاﺅن کے خلاف وکلاء کے احتجاج کو ختم کروانے اور فریقین میں صلح کروانے کے حوالہ سے مذاکرات ہوئے جس میں صدر بار اور دیگر وکلاء کا موقف تھا تحصیل انتظامیہ اور اے ایس پی کا رویہ وکلاء اور شہریوں کے ساتھ بہت اچھا ہے لیکن گزشتہ دنوں شہر میں ہونے والی (19 لاکھ) روپے ڈکیتی کی واردات کے متاثرہ شخص کے ساتھ تھانہ ماڈل ٹاﺅن جانے والے بار کے رکن چوہدری مسعود احمد کے ساتھ ایس ایچ او تھانہ ماڈل ٹاﺅن ملک طاہر عزیز نے انتہائی توہین آمیز رویہ اور وکیل کو ڈکیتی میں بند کرنے کی دھمکیاں دی ہیں اور وہ شہر میں جرائم پر قابو پانے میں ناکام ہے بلکہ عام شہریوں سے بھی اسکا ناروا سلوک قابل مذمت ہے جسکے خلاف وکلاء کی ہڑتال کے باوجود ڈی پی او وہاڑی نے اسکے خلاف کوئی محکمانہ کاروائی نہیں کی اب ہمارا ایک ہی مطالبہ ہے کہ ایس ایچ او ماڈل ٹاﺅن کو فی الفور بورے والا سے تبدیل کیا جائے بصورت دیگر ہم ڈسٹرکٹ بار اور پنجاب بار کونسل سے ملکر احتجاجی لائحہ عمل کا اعلان کرنے پر مجبور ہونگے اسسٹنٹ کمشنر رانا اورنگزیب اور اے ایس پی آصف رضا نے معاملہ حل کراوانے کیلئے وکلاء سے دو روز کی مہلت مانگ لی اور وکلاء کے اصرار پر انہوں نے ایس ایچ او کے متعلق رپورٹ ڈی پی او وہاڑی کوبھیجنے کی یقین دہانی بھی کروا دی انہوں نے کہا کہ ایس ایچ او کے تبادلے کا اختیار انکے پاس نہیں ہے تاہم وکلاء کا مطالبہ ہے کہ ایس ایچ او کو تبدیل کیا جائے۔
About Author
