شہر بھر میں ڈکیتی،چوری اور دیگر جرائم میں اضافہ کے خلاف ”بورے والا بار“ کی مکمل ہڑتال
بورے والا(چوہدری اصغر علی جاوید سے)بورے والا شہر میں ڈکیتی،چوری اور دیگر جرائم میں اضافہ کے خلاف ”بورے والا بار“ کی مکمل ہڑتال،وکلاء کی پولیس رویئے کے خلاف پریس کانفرنس،اگر پولیس نے رویہ نہ بدلہ اور امن و امان بحال نہ ہوا تو احتجاج جاری رہے گا،صدر بار کی پریس کانفرنس،تفصیلات کے مطابق بورے والا شہر میں ڈکیتی،چوری،منشیات فروشی اور دیگر جرائم میں اضافہ کے علاوہ پولیس کے توہین آمیز رویہ کے خلاف وکلاء نے مکمل ہڑتال کی وکلاء عدالتوں میں پیش نہیں ہوئے اس حوالے سے صدر بار ملک فرقان یوسف کھوکھر اور جنرل سیکرٹری چوہدری خرم ریاض نے دیگر عہدیداران وقاص شریف خادم بھٹی،خالد رضا بادشاہ،مرزا زاہد محمود،مہر افتخار احمد اور شہباز الرحمان بھٹہ کے ہمراہ پریس کانفرنس سے خطاب کرتے ہوئے کہا کہ شہر کے تمام تھانوں کی حدود میں امن و امان کی صورتحال انتہائی ابتر ہو چکی ہے پولیس جرائم پر قابو پانے میں بری طرح ناکام ہو چکی ہے وارداتوں کے ملزمان گرفتار نہیں ہو رہے انصاف کیلئے تھانوں میں جانے والے شریف شہریوں کی تزلیل معمول بن چکی ہے شہری عدم تحفظ کا شکار ہو گئے ہیں پولیس جان بوجھ کر حکومتی رٹ کو ناکام بنانے کے منصوبے پر عمل پیرا ہے تھانوں میں شہریوں اور وکلاء برادری سے توہین آمین رویہ ناقابل برداشت ہو چکا ہے اگر پولیس نے شہر کا امن بحال نہ کیا اور شہریوں کو تھانوں میں تزلیل بند نہ کی تو یہ احتجاج جاری رہے گا۔
About Author
