ٹو بی آر نہر کا پانی ٹیل تک نہ جانے سے سینکڑوں ایکڑ اراضی خشک سالی کا شکار،کسان اتحاد سراپا احتجاج
بورے والا(چوہدری اصغر علی جاوید سے)ٹو بی آر نہر کا پانی ٹیل تک نہ جانے سے سینکڑوں ایکڑ اراضی خشک سالی کا شکار،ٹیل کے کسانوں کو نہری پانی نہ ملنے کے خلاف کسان اتحاد سراپا احتجاج،محکمہ انہار پر مبینہ غفلت کا الزام،بھل صفائی نہ ہونے سے ٹیل کے کسان پانی سے محروم،پاکستان کسان اتحاد ضلع وہاڑی ایک ہنگامی اجلاس زیر صدارت ملک ذوالفقار اعوان منعقد ہوا جس میں حلقہ ٹو بی آر کی راجباہ کا پانی ٹیل پر واقع گاﺅں134ای بی میں ٹیل کے کسانوں کی سینکڑوں ایکڑ زرعی اراضی کو عرصہ 6ماہ سے پانی نہ ملنے کی وجہ سے خشک سالی پیدا ہونے کی شدید الفاظ میں مذمت کی گئی اجلاس سے خطاب کرتے ہوئے ملک ذوالفقار اعوان نے کہا کہ درجنوں دیہات کو سیراب کرنے والی راجباہ ٹو بی آر کی سالانہ بھل صفائی نہ ہونے کی وجہ سے ٹیل پر واقع سینکڑوں ایکڑ اراضی پر فصلوں کی کاشت نہیں ہو رہی اور کسان فاقہ کشی پر مجبور ہو چکے ہیں محکمہ انہار کی مبینہ غفلت اور لاپرواہی کے متعلق متعدد بار متاثرہ کسان ایس ڈی او اور ایکسئین انہار کو بھی شکایت کر چکے ہیں لیکن چھ ماہ گزرنے کے باوجود محکمہ انہار ٹس سے مس نہیں ہوا محکمہ انہار کی اس مجرمانہ غفلت کے باعث علاقہ خشک سالی کا شکار ہے اگر محکمہ انہار نے اب اس کا نوٹس نہ لیا تو کسان سڑکوں پر آکر محکمہ انہار کے خلاف احتجاج پر مجبور ہو جائیں گے اجلاس میں چوہدری مہران علی،ماسٹر اشفاق احمد،چوہدری فقیر حسین،چوہدری مہران علی،طالب حسین گجر،چوہدری امین جٹ،ماسٹر عبدالخالق،چوہدری مقبول حسین،عباس احمد سنگھیڑا،شمشاد علی آف مرضی پورہ اور دیگر کسان بھی موجود تھے۔
About Author
