تحریک لبیک کے سابق امیدوار قومی اسمبلی دیوان غلام فرید ساجد قاتلانہ حملے میں شدید زخمی

بورے والا(چوہدری اصغر علی جاوید سے)تحریک لبیک کے سابق امیدوار قومی اسمبلی دیوان غلام فرید ساجد قاتلانہ حملے میں شدید زخمی،حملہ آوروں نے ان پر چاقو اور خنجروں سے وار کئے،حملہ کو دیوان غلام فرید نے سیاسی مخالفت قرار دیا ہے،دیوان غلام فرید تحصیل ہیڈ کوارٹر ہسپتال بورے والا منتقل،تفصیلات کے مطابق بورے والا کے نواحی قصبہ دیوان صاحب میں آج تحریک لبیک یارسول اللہ کے سابق امیدوار قومی اسمبلی دیوان غلام فرید ساجد آج اپنے گھر کے باہر کھڑے تھے کہ اچانک اسی علاقہ کے چار افراد نے ان پر چاقو اور خنجروں سے حملہ کر دیا جس میں وہ شدید زخمی ہو گئے ملزمان موقع سے فرار ہو گئے انہیں فوری طوری پر زخمی حالت میں تحصیل ہیڈ کوارٹر ہسپتال بورے والا منتقل کر دیا گیا جہاں انکی حالت خطرے سے باہر بتائی جاتی ہے دیوان غلام فرید ساجد نے میڈیا کو بتایا کہ انہوں نے سابقہ الیکشن قومی اسمبلی کی نشست پر تحریک لبیک کے پلیٹ فارم سے لڑا تھا اور میرے سیاسی مخالف اسی وقت سے مجھ پر حملے کی طاق میں تھے آج چار ملزمان کانسٹیبل محمد شاہد،ذوالفقار احمد،آصف اور عطاء فرید نے قاتلانہ حملہ کر دیا دوسری جانب تحریک لبیک کے مقامی عہدیداران نے ملزمان کی فوری گرفتاری کا مطالبہ کیا ہے انہوں نے کہا کہ اگر ملزمان فوری گرفتار نہ ہوئے تو حالات کی ذمہ داری انتظامیہ پر ہو گی۔