شہر بھر میں گٹر ابلنے سے گندہ پانی گھروں میں جانا شروع ہو گیا۔نمائندہ شہری
بورے والا(چوہدری اصغر علی جاوید سے)شہر اور نواحی بستیوں میں نکاسی آب کا مسئلہ خطرناک صورتحال اختیار کر گیا،پرانا سیوریج سسٹم جواب دے گیا،مختلف علاقوں میں سیوریج لائنیں بند ہونے سے گٹر ابل پڑے،گندہ پانی گھروں میں واپس جانے لگا،بلدیہ کا ناکافی عملہ اور مشینری حالات پر قابو پانے میں ناکام،شہری عذاب میں مبتلا،اصلاح احوال کا مطالبہ،تفصیلات کے مطابق بورے والا شہر کے اکثر علاقوں اور شہر کی نواحی بستیوں یوسف بلاک،مرضی پورہ،اقبالنگر،سلیمان ٹاﺅن،یعقوب آباد،مجاہد کالونی اور دیگر علاقوں میں پرانی سیوریج لائنیں انتہائی خستہ حال اور جگہ جگہ سے بندہ ہونے کی وجہ سے نکاسی آب کا مسئلہ اس وقت شہریوں کے لیے عذاب بن چکا ہے نمائندہ شہریوں سماجی شخصیت چوہدری ارشاد حسین،سول سوسائٹی نیٹ ورک کے ارکان شیخ جنید احمد،چوہدری احتشام داﺅد،عدیل مقصود،مس صائمہ بتول،(ر) پروفیسر جاوید اقبال،سردار شاہد ڈوگر،محمد اسلم سندھو اور دیگر شہریوں نے گفتگو کرتے ہوئے کہا ہے کہ شہر اور نواحی آبادیوں میں گٹر ابلنے سے ناصرف گندہ پانی گلیوں میں کھڑا ہے بلکہ گھروں میں واپس جانا شروع ہو گیا ہے جس سے شہریوں کی زندگی اجیرن بن چکی ہے بلدیہ کا عملہ سارا دن ان پائپ لائینوں کی صفائی کرنے میں مصروف رہتا ہے لیکن کئی سالوں سے بند مین لائنیں بند ہونے سے انکو کھولنے کے لیے عملہ اور مشینری کی کمی کا بھی سامنا ہے شہر کا اس وقت سب سے بڑا مسئلہ نکاسی آب ہے گلیوں اور سڑکوں پر ان بند سیوریج لائنوں کی وجہ سارا دن پانی ناصرف یہاں سے گزرنے والوں کے لئے عزاب بن چکا ہے بلکہ سڑکیں اور سولنک ٹوٹ پھوٹ کا شکار ہے گزشتہ دور میں 35 کروڑ سے زائد کی خطیر رقم سے مکمل ہونے والا والے نکاسی آب کے منصوبے سے ابھی تک پانی کی نکاسی شروع نہیں ہوسکی جوکہ مزید فنڈز نہ ملنے سے بچھائی جانے والی لائنیں ایکدوسرے سے منسلک نہ ہوسکی ہیں جس کے لئے فوری طور پر پنجاب حکومت خصوصی گرانٹ جاری کر کے منصوبہ بندی کے تحت اس مسئلے کا فوری حل نکالے اور شیریوں کو اس عذاب سے نجات دلائے۔
About Author
