ٹریفک پولیس کی نااہلی،غیر تربیت یافتہ ٹریفک اہلکار ون وے کی خلاف ورزی روکنے میں ناکام

بورے والا(چوہدری اصغر علی جاوید سے)ٹریفک پولیس کی نااہلی،غیر تربیت یافتہ ٹریفک پولیس اہلکار ٹریفک ہجوم اور ون وے کی خلاف ورزی روکنے میں ناکام،ٹریفک کا نظام درہم برہم،حادثات معمول بن گئے،شہری اذیت کا شکار،تفصیلات کے مطابق بورے والا شہر کے داخلی و خارجی راستوں میں ون وے کی خلاف ورزی بے پناہ حد تک بڑھ گئی ہے موٹر سائیکل رکشہ،ریڑھی،کار اور موٹرسائیکل سواروں کا ایک ازدھام ون وے روڈ کا قانون توڑتے قیمتی جانوں کیلئے خطرہ بنے نظر آتا ہے جس کی وجہ سے حادثات میں تشویشناک حد تک اضافہ ہوا ہے ٹریفک پولیس اہلکار سارا دن شہر سے باہر ناکے لگا کر بڑے ٹریلر اور ٹرکوں کو چالان کر کے منتھلی ٹارگٹ اور اپنی جیبیں گرم کرنے پر زیادہ مصروف دکھائی دیتے ہیں جبکہ پیٹرولنگ پولیس اہلکار بھی روڈ پر بالکل بھی ڈیوٹی کرتے دکھائی نہیں دیتے شہر میں موٹرسائیکل چوری کی وارداتیں بڑھ چکی ہیں محکمہ پولیس کی جانب سے موٹرسائیکل کاغذات کی ناکے لگا کر مناسب جانچ پڑتال کا کوئی نظام نہیں ہے شہریوں کا کہنا ہے حکومت اور آئی جی پنجاب کی ترجیح آجکل تھانوں میں پولیس اصلاحات پر ہونے سے ٹریفک پولیس عملہ بے لگام ہو چکا ہے اس لئے ٹریفک پولیس نظام میں بھی اصلاحات اور سسٹم میں تبدیلی لانے کی ضرورت ہے علامہ یاسر راشدی،عبدالرﺅف چوہدری،زاہد حسین مشہدی سمیت دیگر شہریوں نے ڈی پی او وہاڑی سے درخواست کی ہے کہ ٹریفک پولیس کو کسی دباﺅ اور سفارش رد کرتے بلا تفریق قانون کے مطابق روڈ قوانین کی خلاف ورزی کرنے والوں کو چالان اور ان کی گاڑیاں تھانوں میں بند کرنے کے احکامات جاری فرمائیں اور بلانمبری موٹرسائیکلوں،کم عمر ڈرائیوروں اور بغیر لائسنس وہیکلز ڈرائیور کے خلاف بھی کارروائی کی جائے فرض شناسی اور ایمانداری سے اپنا کام نہ کرنے والی کالی بھیڑوں سے ٹریفک پولیس کو پاک کیا جائے۔