جشن آزادی یکجہتی کشمیر فلڈ لٹ ٹورنامنٹ کا فائنل میچ علی پور فٹ بال کلب نے جیت لیا

بورے والا(چوہدری اصغر علی جاوید سے)جشن آزادی یکجہتی کشمیر فلڈ لٹ فٹ بال ٹورنامنٹ کا فائنل میچ علی پور فٹ بال کلب نے جیت لیا،فائنل میں بسمہ اللہ فٹ بال کلب کو پینلٹی ککس پر شکست دی،تفصیلات کے مطابق گذشتہ شب جشن آزادی یکجہتی کشمیر فلڈ لٹ فٹ بال ٹورنامنٹ کا فائنل میچ بسمہ اللہ فٹ بال کلب اور علی پور فٹ بال کلب کے درمیان گورنمنٹ کالج فٹ بال گراﺅنڈ میں کھیلا گیا جو مقررہ وقت پر ایک ایک گول سے برابر رہا پینلٹی ککس پر علی پور فٹ بال کلب نے بسمہ اللہ فٹ بال کلب کو تین کے مقابلہ میں چار گول سے شکست دے کر فائنل اپنے نام کر لیا فائنل میچ کے مہمانان خصوصی ممبر پنجاب اسمبلی سردار خالد محمود ڈوگر اور ضلعی چیئرمین بین المذاہب امن کمیٹی سابق ناظم میاں عبدالمتین تھے اس موقع پر چیئرمین آرگنائزنگ کمیٹی اصغر علی جاوید،سیکرٹری آرگنائزنگ کمیٹی عبدالطیف ڈوگر،عدنان حیدر،داﺅد انجم،محمد اقبال شکیب،آصف گجر،ندیم گجر،مبشر جوئیہ،رضوان امین اور دیگر بھی موجود تھے مہمان خصوصی نے دونوں ٹیموں کے کھلاڑیوں اور منتظمین میں کیش پرائز،کپ،ٹرافیاں اور شیلڈیں تقسیم کیں فائنل میچ کو ریفری اور ڈپٹی ریفریز طارق برکت،عدنان حیدر اور جاوید اقبال نے سپروائز کیا فائنل میچ کو دیکھنے کے لئے شائقین فٹ بال کی کثیر تعداد گراﺅنڈ میں موجود تھی۔