کارکنان اپنے ذاتی اختلافات کو ختم نہیں کریں گے تو تلخ فیصلے بھی کرنا پڑ سکتے ہیں۔نور خاں بھابھہ

بورے والا(چوہدری اصغر علی جاوید سے)پی ٹی آئی جنوبی پنجاب کے صدر نور محمد خاں بھابھہ نے کہا ہے کہ ڈویژن،ضلع اور تحصیل سٹی کی تنظیمات بھی میرٹ پر بنیں گی اگر کارکن ایک پلیٹ فارم پر پارٹی کو منتظم کرنے کیلئے متحد ہو جائیں تو پھر کسی غیر حقیقی کارکن کو آگے آنے کا موقع نہیں ملے گا اگر کارکنان اپنے ذاتی اختلافات کو بنیاد بنا کر دھڑے ختم نہیں کریں گے تو پھر پارٹی کو تلخ فیصلے بھی کرنا پڑ سکتے ہیں میں نے بطور ورکر پارٹی کیلئے کام کیا ہے اور ورکر ہی پارٹی کو مضبوط بنانے میں اپنا کردار ادا کرتا ہے بلکہ حقیقی کارکنان کو انکا حق دلانے میں بھی مدد ملتی ہے پارٹی قیادت کے فیصلہ کے مطابق اب پہلے ڈویژن کی تنظیم کا اعلان ہو گا اور ڈویژن کی تنظیم قیادت سے مشاورت کے بعد ضلع کی تنظیم کا اعلان کرے گی دھڑے بندیوں کے خاتمہ کیلئے تمام ذمہ داران اور ورکرز کو واضع کر دیا ہے کہ ہم نے وہی فیصلہ کرنا ہے جو پارٹی کے مفاد میں ہو گا نظریاتی کارکن ہماری اساس ہیں اور نہیں انکا جائز مقام دلانا ہماری اولین ترجیح ہے،ان خیالات کا اظہار انہوں نے پی ٹی آئی راہنما سابق ایم پی اے چوہدری ارشاد احمد آرائیں کے دفتر میں میڈیا کے نمائندوں اور کارکنان سے گفتگو کرتے ہوتے ہیں اس موقع پر چوہدری عمران ارشاد ایڈووکیٹ،سنیئر راہنما طارق محمود باجوہ،ملک فاروق احمد اعوان،کشف العارفین غوری،سابق کونسلر بلدیہ سیٹھ اسرار احمد،عبدالخالق ٹھیکہ،سردار فاروق ڈوگر اور دیگر راہنما بھی موجود تھے۔