کشمیریوں سے اظہار یکجہتی کیلئے سیاسی و سماجی تنظیموں کی ریلیاں

بورے والا(چوہدری اصغر علی جاوید سے)کشمیر کے مظلوم مسلمانوں سے اظہار یکجہتی کا دن پورے قومی جذبے سے منایا گیا،پی ٹی آئی،سول سوسائٹی نیٹ ورک،انجمن تاجران،بلدیہ بورے والا،ڈاکٹرز،وکلاء،علماء کونسل،پولیس اور تعلیمی اداروں سمیت تمام مکاتب فکر کی ریلیاں اور تقریبات،پورا شہر کشمیر کی آزادی کے حق میں نعروں سے گونجتا رہا،تفصیلات کے مطابق ملک کے دیگر شہروں کی طرح بورے والا میں بھی کشمیر کے مظلوم مسلمانوں کی آزادی کے حق میں اور بھارت کے ظلم و جبر اور بدترین جارحیت کے خلاف مختلف سیاسی و سماجی،مذہبی،کاروباری تنظیموں کے علاوہ وکلاء،طلباء و طالبات،میونسپل کمیٹی کے ملازمین،اے ایس پی آفس،کالجز،ٹی ایچ کیو ہسپتال اور دیگر اداروں کی جانب سے ریلیوں اور تقریبات کا انعقاد کیا گیا میونسپل کمیٹی کے ملازمین نے آفس سپرٹنڈنٹ ماجد یوسف کی زیر قیادت بلدیہ آفس سے پریس کلب تک ریلی نکالی گئی،انجمن تاجران کے ضلعی صدر محمد جمیل بھٹی کی قیادت میں حاجی عاشق علی آرائیں،چاچا ملک محمد اسلم،شیخ اعظم سلطان اور دیگر راہنماﺅں نے بھی کشمیر سے اظہار یکجہتی ریلی گول چوک سے پریس کلب تک نکالی پی ٹی آئی جنوبی پنجاب کی سینئر نائب صدر عائشہ نذیر جٹ کے دفتر میں کشمیر سے یکجہتی کے لیے تقریب کا انعقاد کیا گیا جس میں سابق تحصیل ناظم چوہدری عثمان وڑائچ،سابق کونسلرز بلدیہ غلام مصطفےٰ بھٹی،شکیل حشمت،شہباز حسین باجا بھٹی،لالہ عارف مغل،پی ٹی آئی راہنما محمد اکرم بھٹی،وکلاء ونگ کے ضلعی صدر چوہدری مختار احمد جٹ،چوہدری ندیم مختار جٹ،سابق ایم این اے اصغر علی جٹ اور دیگر راہنماﺅں نے بھی شرکت کی بعدازاں انکے دفتر سے کالج روڈ پریس کلب تک ریلی بھی نکالی گئی جسکی قیادت پی ٹی آئی جنوبی پنجاب کے صدر نور خاں بھابھہ اور عائشہ نذیر جٹ نے کی ریلی میں پی ٹی آئی کے سینئر راہنماﺅں ملک فاروق احمد اعوان،چوہدری طارق محمود باجوہ،چوہدری اعجاز اسلم،ڈاکٹر سہیل عزیر،عبدالرﺅف چوہدری اور دیگر راہنماﺅں نے بھی شرکت کی بار ایسوسی ایشن کے صدر ملک فرقان یوسف،جنرل سیکرٹری چوہدری خرم ریاض،انصاف یوتھ ونگ کے ضلعی صدر وقاص رفیق بھٹی اور کامران شاہد کی زیر قیادت وکلاء اور پی ٹی آئی کے کارکنان نے کشمیر سے اظہار یکجہتی کے لیے ریلی نکالی،سول سوسائٹی نیٹ ورک کی طرف سے کنونیئر عبدالرﺅف چوہدری کی قیادت میں ریلی نکالی گئی ریلی میں سید زاہد حسین مشہدی،حافظ جنید احمد،چوہدری اصغر علی جاوید،محمد شیر خاں کھچی،ندیم بھٹی کے علاوہ دیگر بھی موجود تھے،تحصیل ہیڈ کوارٹر ہسپتال میں بھی ایم ایس ڈاکٹر عمران بھٹی کی قیادت میں ریلی نکالی گئی ڈپٹی ڈسٹرکٹ ایجوکیشن (خواتین) آفس میں بھی ایڈیشنل ڈی ای او زریں گیلانی کی قیادت میں ریلی نکالی گئی،ڈی پی ایس کے طلباء و طالبات نے پرنسپل صلاح الدین کی زیر قیادت ریلی نکالی،اے ایس پی آصف رضا کی قیادت میں انکے دفتر کے باہر اظہار یکجہتی کشمیر کے سلسلہ میں تقریب منعقد ہوئی جس میں پی ٹی آئی کے سینئر راہنماﺅں ملک فاروق اعوان اور طارق محمود باجوہ نے شرکت کی پاکستان مرکزی علماء کونسل کی طرف سے صوبائی نائب صدر حافظ محمد ابوسفیان کی زیر قیادت بھی ریلی نکالی گئی،واپڈا ملازمین کی ایکسئین چوہدری اکرم جاوید کی قیادت میں واپڈا آفس سے پریس کلب تک ریلی،مریم گرلز کالج میں اظہر یکجہتی کشمیر کے سلسلہ میں تقریب منعقد ہوئی،سپیریئر کالج کے طلباء نے پرنسپل میاں آصف سردار کی قیادت میں کالج سے لاری اڈا تک ریلی نکالی جس میں سینکڑوں طلباء نے شرکت کی سلطان باہو ٹرسٹ کے مقامی صدر غلام مصطفےٰ کی زیر قیادت بھی ریلی پریس کلب پہنچی۔