مساجد اللہ کا گھر ہیں اسلام میں مساجد کی بڑی اہمیت ہے۔سید محفوظ الحق شاہ،خالد محمود ڈوگر

بورے والا(چوہدری اصغر علی جاوید سے)معروف عالم دین سید محمد محفوظ الحق شاہ اور ایم پی اے سردار خالد محمود ڈوگر نے کہا ہے کہ مساجد اللہ کا گھر ہیں اسلام میں مساجد کی بڑی اہمیت ہے روئے زمین کی یہ سب سے افضل و برتر جگہ ہے اس جگہ رات دن اور صبح و شام اللہ کو یاد کیا جاتا ہے،ان خیالات کا اظہار انہوں نے فائن سٹی میں مسجد نور المساجد غوثیہ کے سنگ بنیاد کے موقع پر گفتگو کرتے ہوئے کیا اس موقع پر قاری طاہر رضا قادری مہتمم جامعہ غوثیہ تجوید القرآن مدرسہ،محمد صادق،انوار الحق،سجاد احمد بھٹی،عرفان بھٹی سمیت دیگر بھی موجود تھے سید محفوظ الحق شاہ نے کہا کہ مسجدیں مسلمانوں کے حالات کو بدلنے میں اہم رول ادا کرتی ہیں مسلمانوں کو شقاوت و بدبختی سے نکال کر سعادت وخوش بختی کی دہلیز پر پہنچا دیتی ہیں یہی تنگی و اضطراب اور بے چینی سے نکال کر خوشحالی اور چین و سکون کی فضاء میں پہنچا دیتی ہیں مساجد کی حاضری سے مسلمانوں کے دل نرم اور صاف و شفاف ہو جاتے ہیں یہاں اللہ کی رحمتیں برستی اور یہاں موجود فرشتے ان پر اپنے پروں سے سایا کرتے ہیں مسجد مسلمانوں کی تربیت کی بہترین جگہ ہے یہاں مسلمانوں کو اخوت و بھائی چارگی اور مساوات و برابری کا درس دیا جاتا ہے بعدازاں سید محمد محفوظ الحق شاہ اور ایم پی اے سردار خالد محمود ڈوگر نے اپنے دست مبارک سے مسجد کا سنگ بنیاد رکھا۔