ڈی پی ایس کے طلباء نے اپنی کارکردگی سے شہر کا نام روشن کیا ہے۔عرفان علی کاٹھیا
بورے والا(چوہدری اصغر علی جاوید سے)ڈپٹی کمشنر وہاڑی عرفان علی کاٹھیا نے کہا ہے کہ ڈویژنل پبلک سکول بورے والا نے ہمیشہ نصابی اور غیر نصابی سرگرمیوں میں بہترین کارکردگی کا مظاہرہ کیا ہے،تعلیمی میدان میں اس ادارے کے طلباء نے تحصیل،ڈسٹرکٹ اور ڈویژنل سطح پر اپنی کارکردگی سے ادارے اور شہر کا نام روشن کیا ہے،ان خیالات کا اظہار انہوں نے گذشتہ روز ڈی پی ایس بورے والا میں کالج بلاک کا سنگ بنیاد رکھنے کی تقریب سے خطاب کرتے ہوئے کیا اس موقع پر اسسٹنٹ کمشنر و ایڈمنسٹریٹر بلدیہ رانا اورنگزیب خان،اے ایس پی محمد آصف،چیف ایگزیکٹیو آفیسر ایجوکیشن حافظ محمد قاسم،ایم ایس ٹی ایچ کیو ڈاکٹر محمد عمران بھٹی،ڈپٹی ایجوکیشن آفیسر رشید عابد،ایکسین بلڈنگ نثار احمد،سول سوسائٹی نیٹ ورک کے پیٹرن انچیف شیخ شہزاد مبین،پی ٹی آئی کے راہنما ملک فاروق احمد اعوان،طارق محمود باجوہ،ضلعی صدر انجمن تاجران محمد جمیل بھٹی،معروف سماجی شخصیت حاجی طالب حسین بھٹی،حاجی اقبال بھٹی،پروفیسر جاوید اقبال،پرنسپل گورنمنٹ کالج پروفیسر خوشی محمد شہزاد،چوہدری محمد قیصر،چوہدری ندیم،پرنسپل ڈی پی ایس صلاح الدین اور دیگر بھی موجود تھے ڈپٹی کمشنر عرفان علی کاٹھیا نے کہا کہ کالج بلاک کی تعمیر پر دو کروڑ روپے لاگت آئے گی اور اس کی تعمیر کے بعد گرلز کلاسز کا اجراء 2020ء میں کیا جائیگا تقریب سے خطاب کرتے ہوئے پرنسپل صلاح الدین نے کہا کہ ادارہ نے تعلیمی میدان میں جو کامیابیاں حاصل کی ہیں وہ ڈپٹی کمشنر وہاڑی چیئرمین بورڈ آف گورنرز عرفان علی کاٹھیا کی سرپرستی میں ہی ممکن ہوا ہے انہوں مہمان خصوصی ڈپٹی کمشنر وہاڑی عرفان علی کاٹھیا اور دیگر مہمانوں کا شکریہ ادا کیا۔
About Author
