ہیڈ اسلام کے مقام پر ممکنہ طور پر اونچے درجے کے سیلاب کے پیش نظر کسانوں کا مطالبہ
بورے والا(چوہدری اصغر علی جاوید سے)دریائے ستلج میں ہیڈ اسلام کے مقام پر ممکنہ طور پر اونچے درجے کے سیلاب کے پیش نظر مقامی انتظامیہ کے حکم پر اہل علاقہ نے مال مویشی سمیت دیگر سامان محفوظ مقامات پر منتقل کرنا شروع کر دیا ہے،ممکنہ سیلاب سے سینکڑوں ایکڑ پر کھڑی کپاس،دھان،کماد سمیت دوسری فصلیں زیر آب آنے کا خدشہ ہے،متاثرین نے وزیر اعلیٰ پنجاب سے بڑا مطالبہ بھی کر دیا،تفصیلات کے مطابق بورے والا میں ہیڈ اسلام کے مقام پر ممکنہ طور پر آئندہ 24 گھنٹوں کے بعد ایک لاکھ پینتیس ہزار کیوسک کا سیلابی ریلہ گزرے گا جس سے دریائے ستلج سے ملحقہ درجنوں دیہاتوں کے ساتھ ساتھ سینکڑوں ایکڑ رقبہ پر کھڑی فصلیں زیر آب آنے کا خدشہ ہے ضلعی انتظامیہ کی طرف سے الرٹ جاری ہونے کے بعد اہل علاقہ نے محفوظ مقامات کی طرف نقل مکانی شروع کر رکھی ہے اور اس موقع پر کسانوں نے ”بورے والا اپڈیٹس نیوز“ سے گفتگو کرتے ہوئے وزیر اعلیٰ پنجاب سے بڑا مطالبہ کیا ہے کہ ضلعی انتظامیہ کے نوٹس پر ہم اپنے گھروں کو چھوڑ کر مال مویشیوں کے ہمراہ محفوظ مقامات پر منتقل ہو رہے ہیں لیکن ہم سینکڑوں ایکڑ پر زیر کاشت اپنی فصلیں کیسے محفوظ مقامات پر اپنے ساتھ لے جا سکتے ہیں انہوں وزیر اعلیٰ پنجاب عثمان بزدار دار سے مطالبہ کیا ہے ان فصلوں کی مالیت کا اندازہ لگاتے ہوئے نقصان کی صورت میں کسانوں کو اس کا معاوضہ ادا کرنے کا حکم دیا جائے۔
About Author
