میرا دل بہت خوش ہے کہ دینی مدارس کے طلباءنے عصری علوم میں بھی میدان مارا ہے۔جنرل قمر جاوید
بورے والا(چوہدری اصغر علی جاوید سے)صدر اسلامک ایجوکیشن بورڈ پاکستان مہتمم جامعہ حنفیہ بورے والا مولانا قاری محمد طیب حنفی نے گذشتہ روز آرمی چیف جنرل قمر جاوید باجوہ کی دعوت پر جی ایچ کیو راولپنڈی میں دینی مدارس کے پوزیشن ہولڈر طلباء کے اعزاز میں منعقدہ پروقار تقریب میں شرکت کی آرمی چیف نے معروف دینی و عصری درسگاہ جامعہ حنفیہ کے ملتان بورڈ میٹرک کے امتحان میں پوزیشن حاصل کرنے والے ہونہار طالبعلم حافظ حمزہ عبدالقدوس کو شیلڈ اور انعام سے بھی نوازا آرمی چیف نے مولانا قاری محمد طیب حنفی سے گفتگو کرتے ہوئے انکی دینی و ملی خدمات کو خراج تحسین پیش کیا اور کہا کہ مجھے یہ سن کر بہت خوشی ہوئی کہ جامعہ حنفیہ بورے والا میں 1986ء سے دینی تعلیم کے ساتھ بی اے تک تعلیم بھی دی جاتی ہے پاک فوج ایسے اداروں کو سلام کرتی ہے جنرل قمر جاوید باجوہ نے کہا کہ آج میرا دل بہت خوش ہے کہ دینی مدارس کے طلباء نے عصری علوم میں بھی میدان مارا ہے ہماری خواہش اور دلی تمنا ہے کہ دینی مدارس اسی طرح جہاں علماء کرام تیار کر رہے ہیں وہیں یہ دنیاوی علوم میں بھی صف اول پر رہیں ممتاز عالم دین مولانا قاری محمد طیب حنفی نے آرمی چیف کو بتایا کہ ہمارے ادارے سے فارغ التحصیل علماء پاک فوج اور محکمہ پولیس سمیت دیگر سرکاری اداروں میں ملک و قوم کی خدمت کر رہے ہیں اس موقع پر آئی ایس پی آر کے ترجمان میجر جنرل آصف غفور اور قائد وفاق المدارس العربیہ پاکستان ممبراسلامی نظریاتی کونسل مولانا قاری محمد حنیف جالندھری بھی موجود تھے۔
About Author
