بورے والا اور گردونواح میں اتائی ڈاکٹر انسانی زندگیوں سے کھیلنے میں مصروف

بورے والا(چوہدری اصغر علی جاوید سے)بورے والا اور گردونواح میں اتائی ڈاکٹر انسانی زندگیوں سے کھیلنے میں مصروف،محکمہ صحت کے مقامی اہلکار حقائق کا علم ہونے کے باجود خاموش تماشائی بن گئے،بورے والا شہر و گردونواح میں اتائی ڈاکٹر انسانی جانوں کے ساتھ کھلواڑ کرنے میں مصروف ہیں محکمہ صحت کے مقامی اہلکاروں نے حقائق کا علم ہونے کے باجود کبوتر کی طرح آنکھیں بند کی ہوئی ہیں شہریوں نے اعلی حکام سے کاروائی کا مطالبہ کیا ہے،تفصیلات کے مطابق شہر اور اس کے گردونواح میں جگہ جگہ ان ٹرینڈ ڈاکٹر،نیم حکیم،جعلی ڈاکٹر،اتائی،ان پڑھ اور نان کوالیفائیڈ عملہ غیر قانونی طور پر اپنے کلینک،میڈیکل سٹور بنا کر کھلم کھلا موت بانٹنے میں مصروف عمل ہیں جس کی وجہ سے شہر بھر میں مریض صحت مند ہونے کی بجائے مزید موذی امراض کا شکار ہو کر موت کی آغوش میں چلے جاتے ہیں مزید اس مافیا نے ایم بی بی ایس ڈاکٹرز کو پیسوں کی چمک سے اندھا کر دیا ہے اور یہ پڑھا لکھا طبقہ ان اتائی ڈاکٹرز کو بھاری رقم کے عوض اپنا نام اور تحریری اسٹام دے دیتے ہیں کہ یہ کلینک میرا ہے جس سے یہ لوگ ڈھٹائی سے لوگوں کی زندگیوں سے کھیلتے ہیں اور وہ بے ضمیر ڈاکٹر صرف اپنا نام استعمال کرنے کے عوض گھر بیٹھے ان اتائی قصائیوں سے ماہانہ لاکھوں وصول کرتے ہیں مزید یہ اتائی گردونواح کے پسماندہ چکوک کی لیڈی ہیلتھ ورکرز اور دائیوں کی ملی بھگت سے کمیشن دے کر ڈلیوری کی مریضہ خواتین کو اپنے اتائی مزبحہ خانوں میں لاتے ہیں جہاں ان کا آپریشن کر کے بھاری رقوم اینٹھی جاتی ہیں اس دوران بہت سی مریض خواتین زندگی کی بازی ہار جاتی ہیں عوامی سماجی حلقوں نے وزیر اعلیٰ پنجاب،صوبائی وزیر صحت،سیکرٹری ہیلتھ،ہیلتھ کیئر کمیشن پنجاب،ڈپٹی کمشنر،سی ای او ہیلتھ وہاڑی سے تحصیل اور نواحی بستیوں میں اتائی ڈاکٹروں نیم حکیموں اور ایسے بے ضمیر ایم بی بی ایس ڈاکٹرز کے خلاف فوری کارروائی کرنے کا مطالبہ کیا ہے۔