تبدیلی کے بعد سرکاری ادارے کرپشن کا گڑھ بن گئے،کرپٹ اہلکاروں نے رشوت کے ریٹ کئی گناہ بڑھا دیئے

بورے والا(چوہدری اصغر علی جاوید سے)تبدیلی کے بعد سرکاری ادارے کرپشن کا گڑھ بن گئے،حکومت کا خوف دلا کر کرپٹ اہلکاروں نے رشوت کے ریٹ کئی گناہ بڑھا دیئے،پولیس،واپڈا،محکمہ مال اور دیگر محکموں میں کرپشن بے لگام ہو گئی،کرپٹ اہلکار حکومت کو بدنام کرنے پر تل گئے،تفصیلات کے مطابق موجودہ حکومت کے آتے ہی ملک میں کرپشن کے خاتمہ کے لیے حکومتی دعوﺅں کو سرکاری محکموں میں عرصہ دراز سے موجود کالی بھیڑوں نے خاک میں ملا دیا ہے ہر سرکاری ادارہ میں بیٹھے اس کرپٹ مافیا نے کرپشن ختم کرنے کا حکومتی خواب چکنا چور کر دیا ہے جائز اور ناجائز کاموں کی رشوت کے ریٹ کئی گنا بڑھ چکے ہیں پولیس،ریونیو،صحت،واپڈا اور تعلیم کے محکموں سمیت دیگر سرکاری اداروں میں میں کرپٹ اہلکار بے لگام ہو چکے ہیں اور حکومت کو ایک سال کا عرصہ گزرنے کے باوجود محکموں کے سربراہان ان کرپٹ اہلکاروں کے خلاف ابھی تک کوئی قابل ذکر کارروائی نہیں کر سکے کرپشن کے خاتمے کا عوام نے جو سہانا خواب دیکھا تھا وہ چکنا چور ہو گیا ہے تاجروں کی جانب سے مصنوعی مہنگائی نے عوام کی رہی سہی کسر بھی نکال دی ہے حکومت کے خلاف اداروں میں ہونے والی کرپشن اور مصنوعی مہنگائی کے ردعمل میں روز بروز اضافہ ہوتا جا رہا ہے مقامی شہریوں نے وزیر اعظم پاکستان اور وزیر اعلیٰ پنجاب سے مطالبہ کیا ہے کہ اداروں کو کرپشن فری بنانے اور مصنوعی مہنگائی کو روکنے کے لیے فوری اقدامات کریں۔