ایم ایس ایف کے غنڈہ عناصر کے ہاتھوں ہمارے کارکنان کا قتل دہشت گردی ہے۔رمیض حسن
بورے والا(چوہدری اصغر علی جاوید سے)انجمن طلباء اسلام اور متحدہ طلباء محاذ کے مرکزی صدر رمیض حسن راجہ نے کہا ہے کہ ایم ایس ایف کے غنڈہ عناصر کے ہاتھوں ہمارے کارکن عبدالرحمن کا قتل اور انکے بھائی نعیب کو زخمی کرنے کا واقعہ دہشت گردی ہے،بورے والا میں اس تنظیم کے جرائم پیشہ افراد کے ہاتھوں پرامن طلباء تنظیم کے کارکنان کے قتل اور اقدام قتل کے واقعات کے پیچھے جن سیاسی شخصیات کا ہاتھ ہے وہ شہر کا امن تباہ کرنے پر تلے ہوئے ہیں،حکومتی پارٹی سے تعلق رکھنے والی بااثر سیاسی شخصیات ان خطرناک جرائم پیشہ افراد کی پشت پناہی کر رہی ہیں،اے ٹی آئی کے راہنما صداقت خاں کے قاتلوں کو ابھی تک گرفتار نہیں کیا گیا جبکہ عبدالرحمن کے قاتلوں کو بھی تاحال گرفتار نہیں کیا جاسکا اگر پولیس نے (24)گھنٹوں میں ملزمان کو گرفتار نہ کیا تو ہم ملک گیر احتجاج پر مجبور ہو جائیں گے ہماری جماعت ہمیشہ امن کی داعی رہی ہے لیکن ہماری امن کی سوچ کو کمزوری نہ سمجھا جائے ہمارے کارکنان عدم تحفظ کا شکار ہیں کیونکہ ملزمان تاحال آزاد ہیں اور وہ بیرون ملک بھی فرار ہو سکتے ہیں،ان خیالات کا اظہار انہوں نے پریس کلب میں منعقدہ ایک ہنگامی پریس کانفرنس سے خطاب کرتے ہوئے کیا اس موقع پر انجمن طلباء اسلام کے راہنما ملک محمد رمضان لنگڑیال،شہباز حسین بھٹی،سردار کاشف ڈوگر،مرکزی فنانس سیکرٹری ملک ثاقب اعوان،لیاقت خاں،محمد اشرف بھٹی،عامر بغداد،محسن کنڈ اور دیگر عہدیداران بھی موجود تھے رمیض حسن راجہ نے کہا کہ پولیس انتظامیہ سیاسی دباﺅ میں آکر ملزمان کو گرفتار نہیں کر رہی پولیس ان خطرناک جرائم پیشہ افراد کو فوری گرفتار کر کے ہمارے کارکنان اور شہریوں کی جان و مال کو تحفظ فراہم کرے حکومتی پارٹی کی بااثر شخصیات کی طرف سے اپوزیشن جماعت (ن)لیگ کی طلباء تنظیم ایم ایس ایف کی پشت پناہی حکومت اور انتظامیہ پر سوالیہ نشان ہے۔
About Author
