ڈکٹیٹر ضیاء الحق نے جمہوری حکومت پر شب خون مار کر ملک میں مارشل لاء لگا دیا۔کامران یوسف
بورے والا(چوہدری اصغر علی جاوید سے)پیپلز پارٹی یورپ کے سابق کوارڈینٹر اور تحصیل صدر چوہدری کامران یوسف گھمن نے کہا کہ (5)جولائی (1977) کو ایک ڈکٹیٹر ضیاء الحق نے جمہوری حکومت پر شب خون مار کر ملک میں مارشل لاء لگا دیا اور پیپلز پارٹی کے بانی چیئرمین وزیر اعظم ذوالفقار علی بھٹو شہید سمیت دیگر راہنماﺅں کو گرفتار کر لیا،ان خیالات کا اظہار انہوں نے گذشتہ روز پیپلز پارٹی کے پبلک سیکرٹریٹ میں یوم سیاہ کے سلسلہ میں منعقدہ تقریب سے فرانس سے فون پر خطاب کرتے ہوئے کیا تقریب کی صدارت سینئر نائب صدر چوہدری نعمان رشید آرائیں نے کی تقریب سے جنرل سیکرٹری چوہدری فیاض عظیم ایڈووکیٹ،سٹی صدر حاجی عنایت اللہ وسیئر،سیکرٹری اطلاعات محمد صدیق بھلر،غلام حیدر جٹ،شیخ اکرم ٹکا،امین انجم،کاشف بھٹی اور دیگر نے بھی خطاب کیا انہوں نے کہا کہ پیپلز پارٹی کے بانی چیئرمین ذوالفقار علی بھٹو شہید نے جب ایٹم بم بنانے کا اعلان کیا تو اس وقت عالمی قوتوں نے ان کے خلاف سازشیں شروع کر دی تھیں اور ان قوتوں نے آمر ضیاء الحق کو اپنا آلہ کار ایک سازش کے تحت جھوٹے مقدمے ملوث کر کے پھانسی دے دی گئی جس کا خمیازہ قوم ابھی تک بھگت رہی ہے اس موقع پر مقبول مسیح،مرتضی چوہان،ظفر مسیح،مرزا ارشد اقبال نارو،عبدالستار آرائیں،رانا لیاقت،ملک فقیر محمد،میاں محمد امین،ملک عباس اور دیگر بھی موجود تھے۔
About Author
