ایس ایچ او تھانہ سٹی پولیس چوہدری عبدالمجید کی بڑی کاروائی،شراب سے بھری کار برآمد
بورے والا(چوہدری اصغر علی جاوید سے)ایس ایچ او تھانہ سٹی پولیس چوہدری عبدالمجید کی بڑی کاروائی،(ر) پولیس کانسٹیبل اور اسکے بیٹے سے غیر ملکی ولائتی شراب سے بھری کار برآمد،باپ بیٹا گرفتار،ملزمان کے قبضہ سے درجنوں بوتل ولائتی شراب برآمد،کانسٹیبل ولائتی شراب کی بڑے پیمانے پر سپلائی کا دھندہ کرتا تھا،تفصیلات کے مطابق تھانہ سٹی پولیس کو اطلاع ملی کہ بورے والا شہر اور گردونواح میں بڑے پیمانے پر چرس،شراب اور دیگر منشیات فروخت کرنے والا (ر)پولیس کانسٹیبل اقبال مسیح اپنے بیٹے نعمان مسیح کے ہمراہ گاڑی میں بھاری مقدار میں غیر ملکی ولائتی شراب سپلائی کرنے جا رہا ہے جس پر ایس ایچ او چوہدری عبدالمجید نے پولیس کی بھاری نفری کے ہمراہ چیچہ وطنی روڈ پر ناکہ بندی کروا دی جونہی منشیات فروشوں کی کار نمبری 958(اے کے جی) ناکے پر پہنچی تو پولیس نے گھیرا ڈال کر اسے روکا جس میں سوار دونوں باپ بیٹا کو گرفتار کرنے کے بعد گاڑی کی تلاشی لی تو گاڑی کے اندر کارٹنز میں رکھی درجنوں بوتل غیر ملکی شراپ کی بوتلیں برآمد کر کے انکے خلاف مقدمہ درج کر لیا پولیس ذرائع کے مطابق اقبال مسیح نے دو ماہ قبل پولیس لائن وہاڑی سے ریٹائرمنٹ کیلئے درخواست دی تھی اور اب وہ ریٹائرڈ ہوچکا ہے۔
About Author
