بارش ختم ہونے پر میپکو عملہ نے تیس فیڈرز پر بجلی بحال کر دی تھی۔محمد اکرم جاوید
بورے والا(چوہدری اصغر علی جاوید سے)ایکسئین میپکو بورے والا ڈویژن انجینئر محمد اکرم جاوید نے کہا ہے کہ گذشتہ شب آنے والے شدید طوفان بادو باراں اور موسلا دھار بارش کی وجہ سے بورے والا ڈویژن میں بجلی کا نظام تعطل کا شکار ہو گیا تھا اس دوران ڈویژن کے تیس فیڈرز پر بجلی کی سپلائی معطل ہو گئی تھی مختلف علاقوں میں طوفان و بادو باراں کے ساتھ شدید بارش کی وجہ سے کھمبے و ٹرانسفارمرز گرنے اور دیگر نقصانات کی وجہ سے سسٹم شدید متاثر ہو گیا تھا جس کی وجہ سے دس ٹرانسفارمرز کو نقصان پہنچا جبکہ بجلی کے (50) کے وی اور پچاس سے زائد ایل ٹی پول گر گئے تھے ابھی مزید نقصان کا سروے کیا جا رہا ہے اور اس سلسلہ میں انہوں نے خود بھی کئی علاقوں کا دورہ کیا ہے،ان خیالات کا اظہار انہوں نے اپنے آفس میں میڈیا کے نمائندوں سے گفتگو کرتے ہوئے کیا اس موقع پر ایس ڈی او حاجی شیر سب ڈویژن عاطف علی بھٹی،واپڈا ہائیڈرو الیکٹرو لیبر یونین کے عہدیداران چوہدری شاہد باری چوہان،محمد ساجد خورشید،رانا مبشر حسن،ارشاد احمد بھٹی،قیصر بھٹی اور دیگر بھی موجود تھے انہوں نے کہا کہ گذشتہ رات بارش ختم ہونے پر میپکو کے عملے نے ہنگامی بنیادوں پر کام کر کے بجلی کی سپلائی بحالی کا عمل فوراً شروع کر دیا تھا تمام فیلڈ سٹاف دیگر علاقوں میں بجلی کی سپلائی کے کام میں مصروف رہا رات گئے تک چودہ فیڈرز پر بجلی بحال کر دی گئی تھی جبکہ جن علاقوں میں بجلی کے پول گر گئے تھے اور ٹرانسفارمرز جل گئے تھے وہاں پر عملہ کا م میں مصروف ہے اور جلد ہی ان فیڈرز پر بجلی بحال کرنے کا کام مکمل کر لیا جائے گا۔
About Author
