جوئیہ روڈ پر مسلح ڈکیتی کی وار دات،پانچ نامعلوم ڈاکو تاجر سے 70لاکھ روپے نقدی لوٹ کر فرار
بورے والا(چوہدری اصغر علی جاوید سے)مصروف ترین بازار جوئیہ روڈ پر دن دیہاڑے مسلح ڈکیتی کی وار دات،پانچ نامعلوم کار سوار ڈاکو چیچہ وطنی سے سونا خریداری کیلئے آئے ہوئے تاجر سے (70)لاکھ روپے کیش لوٹ کر فائرنگ کرتے ہوئے فرار ہو گئے،ڈاکوﺅں کو دیکھ کر تاجر نے کار کو اندر سے لاک کیا تو ڈاکوﺅں نے کار کے شیشے توڑ کر انہیں باہر نکال کر تشدد کیا اور پچھلی سیٹ پر پڑی رقم لوٹ لی،تفصیلات کے مطابق ہارون جیولرز چیچہ وطنی سے ہارون اور اسکا ساتھی قاسم خالص سونا خریدنے کی غرض سے زاہد جیولرز جوئیہ روڈ پر پہنچے ہی تھے کہ اچانک ایک سفید رنگ کی کار اُن کے آگے آ کر رک گئی اور اس میں سوار جدید آتشیں اسلحہ سے لیسں چار مسلح ملزمان باہر نکل آئے جبکہ ڈرائیونگ سیٹ پر ایک نقاب پوش بیٹھا رہا ملزمان نے آتے ہی سونے کے تاجروں کو باہر نکلنے کا حکم دیا جب وہ اپنی کار نمبری(055) اسلام آباد سے باہر نہ نکلے تو ایک مسلح ملزم نے گاڑی کے شیشے توڑ کر تاجر کو باہر نکال کر تشدد کا نشانہ بنایا اور کار میں پچھلی سیٹ پر تھیلے میں موجود (70)لاکھ روپے نقدی سے بھرا تھیلا لوٹ لیا اور اپنی کار کو واپس موڑ کر فائرنگ کرتے ہوئے فرار ہونے میں کامیاب ہو گئے اطلاع ملتے ہی اے ایس پی آصف رضا اور تمام تھانوں کی نفری موقع پر پہنچ گئی اور تمام داخلی و خارجی راستوں کی ناکہ بندی کر کے ملزمان کی تلاش شروع کر دی۔
About Author
