عید کے بعد اپوزیشن کے غبارے سے ہوا نکل جائے گی۔اعجاز سلطان بندیشہ
بورے والا(چوہدری اصغر علی جاوید سے)تحریک انصاف کے راہنما و ممبر پنجاب اسمبلی چوہدری اعجاز سلطان بندیشہ نے کہا ہے کہ (ن)لیگ ٹوٹ پھوٹ کا شکار ہو چکی ہے،30 سے زائد ارکان پنجاب اسمبلی نے پنجاب حکومت سے رابطہ کر لیا ہے عید کے بعد اپوزیشن کے غبارے سے ہوا نکل جائے گی،کرپشن زدہ کشتی میں سوراخ ہو چکا ہے بہت جلد ملکی ترقی اور خوشحالی کا سونامی اس کشتی کو بہا لے جائے گا جن لوگوں نے ملک کو بے دردی سے لوٹا ہے وہ احتساب سے نہیں بچ سکیں گے،اتفاق فاﺅنڈری اور ” مداری” اینڈ کمپنی کا مستقبل بہت تاریک ہے اس لیے سیاسی سمجھ بوجھ رکھنے والے دور اندیش سیاستدان انہیں چھوڑنے کی تیاری کر چکے ہیں قوموں پر مشکل وقت آتے ہیں اور وہی قومیں یا ملک ترقی کرتے ہیں عمران خان کی شکل میں پاکستان کو ایک ایسا لیڈر ملا ہے جو ملک کو صحیح سمت لے جانے کے لیے جدوجہد کر رہا ہے،ان خیالات کا اظہار انہوں نے گذشتہ روز گورنمنٹ کالج شعبہ شماریات کے انچارج پروفیسر محمد انور کی جانب سے کالج کے پروفیسر کے اعزاز میں دیئے افطار ڈنر کے بعد میڈیا سے گفتگو کرتے ہوئے کیا اس موقع پر پنجاب پروفیسر اینڈ لیکچررز ایسوسی ایشن کے سابق ڈویژنل جنرل سیکرٹری پروفیسر جاوید اقبال،پروفیسر مشتاق احمد گجر،پروفیسر خوشی محمد شہزاد،پروفیسر عبداللہ ظفر،ڈاکٹر محمد اکرم اور دیگر اساتذة بھی موجود تھے چوہدری اعجاز سلطان بندیشہ نے کہا کہ پنجاب کے اداروں میں باصلاحیت افردا کو انتظامی عہدوں پر تعینات کرنے کیلئے حکومت عملی اقدامات کر رہی ہے سیاسی بنیادوں پر انتظامی عہدوں پر تعینات نااہل افسران کی جلد چھٹی کرا دی جائے گی۔
About Author
