شہر میں بدترین تجاوزات،شہر کا مرکز تجاوزات مافیا کے حوالے،ناجائز منافع خور بے لگام ہو گئے
بورے والا(چوہدری اصغر علی جاوید سے)شہر میں بدترین تجاوزات،شہر کا مرکز تجاوزات مافیا کے حوالے،ناجائز منافع خور بے لگام ہو گئے،غریب قصابوں کو جرمانے،شہریوں کی کھال اتارنے والوں کو کھلی چھٹی،شہری دوہرے عذاب میں مبتلا،تفصیلات کے مطابق بورے والا شہر کے مرکز گول چوک،ریشم گلی،ریلبازار،وہاڑی بازار اور عارف بازار سمیت تمام مصروف ترین بازاروں اور شاہراوں پر تجاوزات مافیا نے مضبوط پنجے گاڑ لیے ہیں میونسپل کمیٹی کے انکروچمنٹ انسپکٹر نے مبینہ طور پر تمام بازاروں خصوصاً گول چوک میں عید کی عارضی دوکانوں کے نام پر تجاوزات مافیا کو مستقل قبضے کروا دیئے ہیں شہریوں کا کہنا ہے کہ سٹرکوں کے اوپر لگی ان دوکانوں سے ماہانہ بھتہ طے کر کے شہر کو ان تجاوزات مافیا کے سپرد کر دیا گیا ہے جس سے خریداری کے لیے آنے والی خواتین کا پیدل گزرنا محال ہو چکا ہے ٹریفک مکمل جام ہو کر رہ گئی ہے دوسری جانب شہر اور گردونواح میں انتظامیہ کے بعض منظور نظر قصابوں نے مٹن کا گوشت 1000(روپے) کلو کھلے عام فروخت کر کے شہریوں کی کھال اتارنا شروع کر رکھی ہے جن کو کوئی پوچھنے والا نہیں جبکہ 800(روپے) کلو فروخت کرنے والے چھوٹے قصابوں کو بھاری جرمانے کر کے پرائس کنٹرول مجسٹریٹ جانبداری کا مظاہرہ کرنے لگے اس بدترین صورتحال میں شہریوں نے ڈی سی وہاڑی عرفان علی کاٹھیا سے فوری نوٹس لینے اور ذمہ داروں کے خلاف کاروائی کا مطالبہ کیا ہے۔
About Author
