نواز شریف نے بیرونی طاقتوں کے دباﺅ کے باوجود 28مئی کو ایٹمی دھماکہ کیا۔خالد ڈوگر
بورے والا(چوہدری اصغر علی جاوید سے)مسلم لیگ(ن) کے ایم پی اے سردار خالد محمود ڈوگر نے کہا ہے کہ 28مئی کا دن پاکستان کو دنیا کی ایٹمی قوت بنانے اور قومی امنگوں کے اظہار کا دن ہے،میاں نواز شریف نے بیرونی طاقتوں کے دباﺅ کے باوجود ایٹمی دھماکے کر کے ملک کو ناقابل تسخیر قوت بنایا آمریت ہو یا جمہوریت کسی بھی حکمران نے ایٹم بم پر سمجھوتہ نہیں کیا دنیا میں پاکستان کو ایٹمی قوت بنانے والے قومی ہیرو کو آج احتساب کے نام پر بدترین انتقامی کاروائی کا نشانہ بنایا جا رہا ہے لیکن قائد مسلم لیگ تمام تر انتقامی ہتھکنڈوں کا مردانہ وار مقابلہ کر رہے ہیں دنیا میں ایٹمی قوت بننے کے بعد اب کوئی بھی ملک دشمن ہماری طرف میلی آںکھ سے نہیں دیکھ سکتا،میاں نواز شریف محسن پاکستان ہیں جنہوں نے قومی مفاد پر بڑے سے بڑے آمر اور بین الاقوامی قوتوں کا ہمیشہ ڈٹ کر مقابلہ کیا ہے،ان خیالات کا اظہار انہوں نے اپنے دفتر میں یوم تکبیر کے حوالہ سے منعقدہ تقریب سے خطاب کرتے ہوئے کیا اس موقع پر ضلعی صدر مسلم لیگ(ن)یوتھ ونگ منظور برکت ماڑی والا،ضلعی صدر انجمن تاجران محمد جمیل بھٹی،مسلم لیگی راہنما بلاول حمید بٹ،سابق چیئرمین یوسی چوہدری کاشف رامے،خان خالد خاں،شاہد نواب خاں،سردار شاہد ڈوگر،جنرل سیکرٹری انجمن تاجران محمد یٰسین بھٹی،جواد احمد بھٹی،حافظ عاطف ریاض،شیخ محمد اعظم،چوہدری محمد عاطف،محمد اسلم جمال،چوہدری نعیم شان،میاں صہیب عالم،وقاص شریف قاسم بھٹی،میاں محمد ناظم،میاں ممتاز لنگاہ،راﺅ فضل الرحمن، اور دیگر کارکنان بھی موجود تھے۔
About Author
