ملک کو بحرانوں سے نکالنے کا دعوی کرنیوالوں نے غریب عوام کا جینا دوبھر کر دیا ہے۔بلاول بٹ
بورے والا(چوہدری اصغر علی جاوید سے)مسلم لیگ(ن) کے راہنما بلاول حمید بٹ کی جانب سے ممبران صوبائی اسمبلی،سابق ارکان اسمبلی اور کارکنوں کے اعزاز میں افطار ڈنر کا اہتمام،افطار ڈنر میں سابق ممبر قومی اسمبلی چوہدری نذیر احمد آرائیں،ممبران صوبائی اسمبلی سردار خالد محمود ڈوگر،چوہدری محمد یوسف کسیلیہ،ممبر قومی اسمبلی چوہدری فقیر احمد آرائیں کے بیٹے اسامہ چوہدری،ضلعی صدر مسلم لیگ(ن)یوتھ ونگ منظور برکت ماڑی والا،مسلم لیگی راہنماﺅں اویس حمید بٹ،رضوان عابد،شاہد نواب خان کے علاوہ دیگر کارکنان بھی موجود تھے اس موقع پر افطار ڈنر سے خطاب کرتے ہوئے مسلم لیگ(ن) کے راہنما بلاول حمید بٹ نے کہا کہ ملک کو بحرانوں سے نکالنے کا دعوی کرنیوالوں نے غریب عوام کا جینا دوبھر کر دیا ہے آج ڈالر کی بڑھتی ہوئی قدر کی وجہ سے حکومت بری طرح ناکام ہوچکی ہے رمضان میں مہنگائی کے سونامی نے عام آدمی کے منہ سے بھی نوالہ چھین لیا ہے حکومت نے 9 ماہ میں کچھ نہیں کیا مسلم لیگ(ن) نے ہمیشہ اصولوں کی سیاست کی اور تمام چیلنجز کو مدنظر رکھتے ہوئے پالیسیاں بنائیں تا کہ عوام کیلئے آسانیاں پیدا ہو سکیں آئندہ حکومت انشاء اللہ مسلم لیگ(ن) کی ہو گی کیونکہ اب عوام جان چکے ہیں کہ ملک کو بحرانوں سے مسلم لیگ(ن) ہی نکال سکتی ہے۔
About Author
